پی آئی اے نیپائلٹس کی بھرتیوں کیلئیایک اوربڑاپروگرام لانچ کردیا

کیڈٹ پائلٹس کیلئے 200گھنٹے کی فلائنگ اور سی اے اے سے کمرشل پائلٹ لائسنس لازمی قرار

پیر 28 جولائی 2025 22:15

اسلام آباد(اُردو پوائنٹ اخبارتازہ ترین - این این آئی۔ 28 جولائی2025ء)قومی ایئر لائن پی آئی اے نے پائلٹس کی بھرتیوں کیلئے ایک اور بڑا پروگرام لانچ کر دیا ۔

(جاری ہے)

تفصیلات کے مطابق کیڈٹ پائلٹس پروگرام کے تحت 24پائلٹس بھرتی کیے جائیں گے ، کیڈٹ پائلٹس پروگرام کے تحت پائلٹس کو دو سال کے کنٹریکٹ پر بھرتی کیا جائے گا ، کیڈٹ پائلٹس کیلئے 200گھنٹے کی فلائنگ اور سی اے اے سے کمرشل پائلٹ لائسنس لازمی قرار دیا گیاہے ، کیڈٹ پائلٹس سے 15000ہزار امریکی ڈالر کے مساوی مالیت کا بونڈ بھروایا جائے گا۔پائلٹ کی قلت کو پورا کرنے کیلئے اس سے قبل 20پائلٹس بھرتیوں کا عمل الگ سے جاری ہے ، دلچسپی رکھنے والے کمرشل پائلٹس کو 15دن کے اندر پی آئی اے شعبہ ایچ آر کو درخواست دینے کی ہدایت کی گئی ہے ۔