فیصل آباد پولیس کی کارروائی،منشیات فروش گرفتار ، لاکھوں روپے مالیت کی ہیروئن برآمد

منگل 29 جولائی 2025 14:12

مکوآنہ(اُردو پوائنٹ اخبارتازہ ترین - این این آئی۔ 29 جولائی2025ء)فیصل آباد پولیس نے کارروائی کرتے ہوئے منشیات فروش گرفتار کرکے ہیروئن برآمد کرلی۔ تفصیلات کے مطابق جڑانوالہ ڈویژن کے تھانہ روڈالہ روڈ پولیس نے منشیات فروش ریاض کو گرفتار کرکے لاکھوں روپے مالیت کی 1.06کلو گرام ہیروئن برآمد کرلی۔

(جاری ہے)

حکام نے بتایا کہ ایس ایچ او تھانہ روڈالہ روڈ سب انسپکٹر عادل گلفام نے پولیس ٹیم کے ہمراہ کارروائی کرتے ہوئے منشیات فروش ملزم ریاض کو گرفتار کیا۔ملزم کے قبضہ سے لاکھوں روپے مالیت کی 01 کلو 60 گرام ہیروئن برآمد کرلی گئی۔ملزم شہر کے مختلف علاقوں میں منشیات سپلائی کرتا تھا۔ تھانہ روڈالہ روڈ پولیس نے ملزم کے خلاف مقدمہ درج کرکے مزید تفتیش شروع کر دی۔