فیصل آباد میں سنگین جرائم کی شرح 61 فیصد تک کم ہوگئی، ترجمان پولیس

منگل 29 جولائی 2025 14:12

مکوآنہ(اُردو پوائنٹ اخبارتازہ ترین - این این آئی۔ 29 جولائی2025ء)فیصل آباد میں سنگین جرائم کی شرح 61 فیصد تک کم ہوگئی۔ پیر کو ترجمان پولیس طارق جٹ نے میڈیا کو بتایا کہ سال 2024 کی نسبت رواں سال سنگین جرائم کی شرح میں 61 فیصد تک کمی واقع ہوئی ہے۔سنگین جرائم میں ڈکیتی61فیصد، راہزنی 28 فیصد، کار چھیننا 40 فیصد، موٹر سائیکل چھیننا 26 فیصد اور دیگروہیکل چھیننے کے جرائم میں 56 فیصد کمی واقع ہوئی ہے۔

(جاری ہے)

ترجمان نے مزید بتایا کہ کار چوری کے مقدمات میں 7 فیصد، موٹر سائیکل چوری میں 22 فیصد اور دیگر وہیکل چوری میں 17 فیصد کمی ہوئی۔ فیصل آبادمیں قتل کے مقدمات میں 10 فیصد اور اقدام قتل10 فیصد کمی واقع ہوئی ہے۔ ترجمان نے کہا کہ سٹی پولیس آفیسر صاحبزادہ بلال عمر کی بہترین قیادت اور حکمت عملی کی بنائپر رواں سال فیصل آبادمیں جرائم کی شرح میں واضح کمی ہوئی ہے ، سٹی پولیس آفیسر نے جرائم کی روک تھام کیلئے موثر پٹرولنگ کے احکامات جاری کئے تھے۔تمام ٹان ایس پیز، ڈی ایس پیز اور ایس ایچ اوز کو واضح پیغام دیا ہے کہ عوام الناس کی جان و مال کی حفاظت کے معاملہ میں کسی قسم کی غفلت اور لا پرواہی برداشت نہیں کی جائیگی۔