وفاقی وزیر عطا ء اللہ تارڑ کا سینئر صحافی امتیاز میر کے انتقال پر اظہار افسوس

پیر 29 ستمبر 2025 20:04

اسلام آباد (اُردو پوائنٹ اخبارتازہ ترین - این این آئی۔ 29 ستمبر2025ء)وفاقی وزیر اطلاعات و نشریات عطاء اللہ تارڑ نے سینئر صحافی امتیاز میر کے انتقال پر گہرے دکھ اور افسوس کا اظہار کیا ہے۔

(جاری ہے)

اپنے تعزیتی بیان میں وفاقی وزیر اطلاعات نے مرحوم کے اہلخانہ سے دلی ہمدردی اور تعزیت کا اظہار کرتے ہوئے کہا کہ امتیاز میر کے انتقال کی خبر سن کر دلی افسوس ہوا، اہلخانہ کے دکھ میں برابر کے شریک ہیں، مرحوم کی صحافتی خدمات کو ہمیشہ یاد رکھا جائے گا۔ وفاقی وزیر عطاء اللہ تارڑ نے دعا کی کہ اللہ تعالیٰ مرحوم امتیاز میر کو اپنے جوارِ رحمت میں اعلیٰ مقام اور پسماندگان کو صبر جمیل عطا ء فرمائے۔