پنجاب میں تعلیمی اداروں کے نئے اوقات کار کے شیڈول کا نوٹیفکیشن جاری

منگل 29 جولائی 2025 19:12

اسلام آباد (اُردو پوائنٹ اخبارتازہ ترین - اے پی پی۔ 29 جولائی2025ء) پنجاب میں تعلیمی ادارے موسم گرما کی تعطیلات کے بعد 15 اگست سے کھلیں گے،پنجاب حکومت نے صوبے کے تمام سرکاری تعلیمی اداروں کیلئے اوقات کار کا اعلان کر دیا۔

(جاری ہے)

نوٹیفکیشن کے مطابق سنگل شفٹ صبح 7:30 بجے سے دوپہر 1:00 بجے تک ہوگی جبکہ جمعہ کے روز صبح 11:30 بجے تعلیمی ادارے بند ہوں گے۔ ڈبل شفٹ والے سکول پیر سے جمعرات صبح 7:30 بجے سے دوپہر 1:00 بجے تک کھلیں گے،جمعہ کے روز صبح کی شفٹ صبح 7:30 بجے سے 11:30 بجے تک ہوگی۔ شام کی شفٹ پیر سے جمعرات دوپہر 2:00 بجے سے شام 6:00 بجے تک اورجمعہ دوپہر 2:30 بجے سے شام 5:30 بجے تک تعلیمی سرگرمیاں ہوں گی۔