سیالکوٹ میں 2 معصوم بچوں کے قتل کرنے کا معاملہ، ’سنگ دل ماں‘ ہی قاتل نکلی

منگل 29 جولائی 2025 21:40

سیالکوٹ (اُردو پوائنٹ اخبارتازہ ترین - این این آئی۔ 29 جولائی2025ء)سیالکوٹ میں گزشتہ روز بے دردی سے قتل ہونے والے 2 معصوم بچوں کے کیس کا ڈراپ سین ہوگیا، سگی ماں ہی دونوں بچوں کی قاتل نکلی۔میڈیا رپورٹ کے مطابق ڈسٹرکٹ پولیس افسر (ڈی پی او) سیالکوٹ فیصل شہزاد نے بتایا کہ سنگ دل ماں نے بچوں کو اینٹوں کے وار کر کے قتل کیا، بچوں نے اپنی والدہ کو قابلِ اعتراض حالت میں اس کے دوست کے ساتھ دیکھ لیا تھا۔

(جاری ہے)

فیصل شہزاد کے مطابق راز کھلنے کے ڈر سے سفاک ماں نے بے رحمی کے ساتھ3 سالہ بیٹے وارث اور 6 سالہ بیٹی امِ کلثوم کو قتل کرنے کے بعد اٴْن کی لاشیں قبرستان میں پھینک دی تھیں۔پولیس حکام کے مطابق واقعے کے چند گھنٹے گزرنے کے بعد ہی ملزمہ ماں نادرا اور اس کے ساتھی فاروق کو گرفتار کر لیا گیا۔ڈی پی او فیصل شہزاد کے مطابق گرفتار ملزمان کو عبرتناک سزا دلوائی جائے گی۔واضح رہے کہ گزشتہ روز (28 جولائی) کو 4 سالہ وارث اور 6 سالہ ام کلثوم کی لاشیں قبرستان سے ملی تھیں۔