جموں و کشمیر،بھارتی فورسز نے مزید2کشمیری نوجوان شہید کر دیئے

بدھ 30 جولائی 2025 11:20

جموں (اُردو پوائنٹ اخبارتازہ ترین - اے پی پی۔ 30 جولائی2025ء) بھارت کے غیر قانونی زیر تسلط جموں وکشمیر کے ضلع پونچھ میں بھارتی فورسز نے ریاستی دہشت گردی کی تازہ کارروائی میں مزید2کشمیری نوجوانوں کو شہید کر دیا ۔

(جاری ہے)

کشمیرمیڈیاسروس کے مطابق فورسز اہلکاروں نے نوجوانوں کو ضلع کے علاقے کسیلیان میں محاصر ے اور تلاشی کی کارروائی کے دوران جعلی مقابلے میں شہید کیا ۔ بھارتی فورسز نے ضلع کے دیگر علاقوں میں بھی تلاشی آپریشن شروع کر رکھا ہے۔آخری اطلاعات تک آپریشن جاری تھا۔یاد رہے کہ بھارتی فوجیوں نے پیر کو سرینگر کے علاقے داچھی گام میں 3 نوجوانوں کو شہید کر دیا تھا۔