پاکستان چیمپئنزنے اپنا آخری میچ بھی جیت لیا، آسٹریلیا کو 10 وکٹوں سے شکست

بدھ 30 جولائی 2025 13:26

لیسٹر(اُردو پوائنٹ اخبارتازہ ترین - این این آئی۔ 30 جولائی2025ء) ورلڈ چیمپئن شپ آف لیجنڈز میں پاکستان چیمپئنز نے اپنا آخری میچ بھی جیت لیا، گرین شرٹس گروپ اسٹیج میں ناقابل شکست رہے۔تفصیلات کے مطابق پاکستان چیمپئنز نے شاندار کھیل کا مظاہرہ کرتے ہوئے آسٹریلیا چیمپئنز کو 10 وکٹوں سے شکست دی، پاکستان گروپ اسٹیج میں ناقابل شکست رہتے ہوئے پہلے ہی ناک آؤٹ مرحلے میں پہنچ چکا ہے۔

(جاری ہے)

پاکستان چیمپئنز نے 75 رنز کا ہدف 8ویں اوور میں حاصل کیا، اوپنر شرجیل خان32 اور صہیب مقصود 28 رنز بناکر ناٹ آئوٹ رہے۔آسٹریلیا چیمپئنز نے پہلے کھیل کر صرف 74 رنز اسکور کیے، پوری آسٹریلین ٹیم 12ویں اوور میں ڈھیر ہوگئی، آسٹریلیا چیمپئنز کے 9 بلیباز ڈبل فگر میں بھی داخل نہ ہوسکے۔سعید اجمل نے کینگروز کیخلاف شاندار بولنگ کی، انھوں نے 16 رنز دیکر 6 وکٹیں حاصل کیں، عماد وسیم نے 2، سہیل تنویر اور سہیل خان نے ایک ایک وکٹ حاصل کی۔