خواتین قیدیوں کے بیرکس میں صفائی کے نظام کو بہتر بنایا جائے، محترمہ نثارہ عباسی

بدھ 30 جولائی 2025 17:21

مظفرآباد(اُردو پوائنٹ اخبارتازہ ترین - این این آئی۔ 30 جولائی2025ء)آزادکشمیرحکومت کی مشیر برائے سروسز اینڈ جنرل ایڈمنسٹریشن و چیئرپرسن ویمن پارلیمانی کاکس محترمہ نثارہ عباسی کا سینٹرل جیل راڑہ کا دورہ۔ جیل کے مختلف بیرکس کے معائنہ کیا اور قیدیوں باالخصوص خواتین قیدیوں کو درپیش مسائل کے بارے میں بریفنگ لی۔ اس موقع پر گفتگو کرتے ہوئے محترمہ نثارہ عباسی نے کہا کہ خواتین قیدیوں کے بیرکس میں صفائی کے نظام کو بہتر بنایا جائے۔

(جاری ہے)

انکے لیے سلائی کڑھائی، کمپیوٹر اور دیگر ٹیکنیکل ٹریننگ کا اہتمام کیا جائے تاکہ وہ کل کو انہیں جیل سے باہر خا کر روزگار حاصل کرنے مشکلات کا سامنا نہ کرنا پڑے۔ انہوں نے اس موقع پر بیرکس میں پنکھوں کی تنصیب اور واٹر کولر کی فراہمی یقینی بنانے کی ہدایت کی اور پانی کی کمی، بجلی کی لوڈشیڈنگ اور دیگر مسائل کے حل کے لیے فوری اقدامات کرنے کی یقینی دہانی کروائی۔ اس موقع پر مشیر حکومت نے بیرکس میں صفائی ستھرائی اور نظم و ضبط پر سپرنٹنڈنٹ جیل کی کارکردگی کو سراہا اور قیدیوں کے رہائشی، خوراک اور دیگر معاملات کو مزید بہتر بنانے کی بھی ہدایت کی۔