ریٹائرمنٹ کا کوئی ارادہ نہیں،وہیل چیئر پر آنے تک کرکٹ کھیلتا رہوں گا، شعیب ملک

میں صاف کھاتا ہوں، اچھی نیند لیتا ہوں اور صحت مند کھاتا ہوں، آسٹریلیا چیمپیئنز کیخلا ف کامیابی کے بعد گفتگو

جمعرات 31 جولائی 2025 12:05

لندن(اُردو پوائنٹ اخبارتازہ ترین - این این آئی۔ 31 جولائی2025ء)پاکستان کے تجربہ کار آل راؤنڈر شعیب ملک نے کہاہے کہ ان کا ریٹائرمنٹ لینے کا کوئی ارادہ نہیں ہے۔ورلڈ چیمپئن شپ آف لیجنڈز (ڈبلیو سی ایل) 2025 میں آسٹریلیا چیمپئنز کے خلاف پاکستان چیمپئنز کی کامیابی کے بعد گفتگو کرتے ہوئے کہا کہ میں صاف کھاتا ہوں، اچھی نیند لیتا ہوں اور صحت مند کھاتا ہوں۔

ریٹائرمنٹ سے متعلق سوال پر 43 سالہ نوجوان کھلاڑی نے کہا کہ ’میں وہیل چیئر پر آنے تک کرکٹ کھیلتا رہوں گا۔

(جاری ہے)

ٹی 20 کرکٹ میں شعیب ملک نے 124 ٹی 20 میں پاکستان کی نمائندگی کی اور 2435 رنز بنانے کے ساتھ 28 وکٹیں بھی حاصل کیں۔شعیب ملک نے مجموعی ٹی 20 کیریئر میں 557 میچز کھیلے، 127.24 کے اسٹرائیک ریٹ سے 13571 رنز بنائے جس میں 83 نصف سنچریاں بھی شامل ہیں، وہ اس وقت ٹی 20 تاریخ میں سب سے زیادہ رنز بنانے والے کھلاڑیوں میں چوتھے نمبر پر ہیں۔

واضح رہے کہ ورلڈ چیمپئن شپ ا?ف لیجنڈز میں پاکستان نے آسٹریلیا کو شکست دے کر سیمی فائنل کے لیے کوالیفائی کرلیا، سعید اجمل نے 6 کھلاڑیوں کو آؤٹ کیا تھا۔ڈبلیو سی ایل 2025 میں پاکستان کا سیمی فائنل میں بھارت سے مقابلہ ہونا ہے لیکن بھارتی میڈیا کے مطابق بھارتی ٹیم نے پاکستان سے کھیلنے سے انکار کردیا ہے