مچھلی کا گوشت دماغ کو تقویت، ڈپریشن کے خاتمہ، دل کی دھڑکن معتدل رکھنے میں معاون ثابت ہوا ہے، ماہرین آبی حیات

جمعرات 31 جولائی 2025 13:00

فیصل آباد (اُردو پوائنٹ اخبارتازہ ترین - اے پی پی۔ 31 جولائی2025ء) مچھلی کا گوشت ہیموگلوبن میں اضافہ اور کولیسٹرول میں کمی کا اہم ذریعہ ہے لہٰذا لو گ توانائی کے خزانہ کی حیثیت سے مچھلی کے گوشت کو ترجیح دیں جو انسان کو ڈپریشن سے بھی نجات دلاتاہے اور حالیہ تحقیق کے دوران خون میں ہیموگلوبن میں اضافہ اور کولیسٹرول میں نمایاں کمی بھی دیکھنے میں آئی ہے جس کے باعث مچھلی کے گوشت کی اہمیت و افادیت میں مزید اضافہ ہو گیاہے۔

جامعہ زرعیہ کے ماہی پروری کے ماہرین آبی حیات نے بتایاکہ تحقیق سے یہ بات بھی ثابت ہوئی ہے کہ اگر ایک مہینہ میں 5بار مناسب مقدار میں مچھلی کا گوشت استعمال کر لیا جائے تو خواتین میں بالخصوص اور مردوں میں بالعموم فالج کا خطرہ نہ رہتاہے۔ انہوں نے بتایاکہ دماغی محنت کرنے والے افراد کیلئے مچھلی کا گوشت انتہائی عمدہ غذا ہے کیونکہ اس میں پائے جانے والے 3فیٹی ایسڈز ذہنی امراض کی روک تھام میں انتہائی معاون ہیں۔

(جاری ہے)

انہوں نے بتایاکہ مچھلی کے گوشت سے دماغ کو تقویت ملتی ہے جس سے ڈپریشن کا بھی خاتمہ یقینی ہو جاتاہے۔ انہوں نے کہاکہ مچھلی کا گوشت دل کی دھڑکن کو معتدل رکھتاہے اور یہ کینسر کی بعض اقسام سمیت پیٹ کے ورم سے متعلقہ بیماریوں کے خاتمہ میں بھی انتہائی ممد و معاون ثابت ہواہے۔

Facebook Twitter Google + Share on Whatsapp

مچھلی کا گوشت دماغ کو تقویت، ڈپریشن کے خاتمہ، دل کی دھڑکن معتدل رکھنے میں معاون ثابت ہوا ہے، ماہرین آبی حیات

مزید قومی خبریں