دریائے جہلم ،چناب میں ممکنہ سیلابی صورتحال پر ریلیف کیمپس فعال اور سہولیات سے آراستہ رکھے کا حکم

جمعرات 31 جولائی 2025 14:35

سرگودھا(اُردو پوائنٹ اخبارتازہ ترین - این این آئی۔ 31 جولائی2025ء)دریائے جہلم اور دریائے چناب میں ممکنہ سیلابی صورتحال پر ضلعی انتظامات نے ریلیف کیمپس ہر وقت فعال اور سہولیات سے آراستہ رکھے کا حکم دے دیا۔تفصیلات کے مطابق کمشنر جہانزیب اعوان سیلابی صورتحال کے جائزہ اجلاس میں بتایا گیا کہ دریائے جہلم میں بڑا ریلا بحفاظت گزر گیا اور مزید ریلے کا فی الحال امکان نہیں ہے،جبکہ دریائے چناب میں ایک لاکھ پچاس ہزار کیوسک پانی کا بہا متوقع ہے ،تاہم صورتحال خطرے سے خالی ہے۔

(جاری ہے)

اس موقع پر بتایا گیا کہ آئندہ ماہ دریائے چناب میں تین لاکھ کیوسک ریلا آنے کا خدشہ ہے جس سے 10دیہات متاثر ہو سکتے ہیں۔کمشنر نے کہا کہ دونوں دریاں کی مسلسل نگرانی اور اداروں میں مکمل رابطہ رکھا جائے۔بتایا گیا کہ ریلیف کیمپس میں خوراک، ادویات، واٹر فلٹریشن اور سیکیورٹی کے تمام انتظامات مکمل ہیں۔مون سون سے قبل ضلع سرگودہا کی بڑی ڈرینز کی ڈی سلٹنگ مکمل، چھوٹی نالہ جات کی صفائی جاری ہے۔ انہوں نے بارشی پانی کی قدرتی گذرگاہوں سے رکاوٹیں اور تجاوزات ہٹانے کا حکم دیا۔

Facebook Twitter Google + Share on Whatsapp

دریائے جہلم ،چناب میں ممکنہ سیلابی صورتحال پر ریلیف کیمپس فعال اور سہولیات سے آراستہ رکھے کا حکم

متعلقہ عنوان :

مزید قومی خبریں