کراچی، فیڈرل بی ایریا کی رہائشی عمارت کے فلیٹ سے خاتون کی پھندا لگی لاش برآمد

ابتدائی تفتیش میں پولیس واقعے کو خودکشی قرار دے رہی ہے،متوفیہ 11 سال کے بیٹے اور 9 سال کی بیٹی کی ماں تھی

جمعرات 31 جولائی 2025 16:05

کراچی (اُردو پوائنٹ اخبارتازہ ترین - این این آئی۔ 31 جولائی2025ء)شہر قائد میں جوہر آباد کے علاقے فیڈرل بی ایریا بلاک 7 کریم پلازہ فیز تھری فلیٹ سے خاتون کی گلے میں پھندا لگی لاش ملی جو کہ 2 بچوں کی ماں تھی۔ایس ایچ او جوہر آباد راشد الرحمن نے بتایا کہ واقعہے کی اطلاع ملتے ہی پولیس نے موقع پر پہنچ کر کرائم سین یونٹ کو طلب کر کے شواہد حاصل کرنے کے بعد متوفیہ 37 سالہ سائرہ سحر کی لاش عباسی شہید اسپتال پہنچائی۔

(جاری ہے)

انھوں نے بتایا کہ ابتدائی تفتیش میں واقعہ خودکشی معلوم ہوا ہے جبکہ متوفیہ 11 سال کے بیٹے اور 9 سال کی بیٹی کی ماں تھی جبکہ شوہر نجی ٹیکسٹائل کمپنی میں ملازمت کرتا ہے جسے فون کر کے واقعے سے آگاہ کیا۔ورثا نے بتایا کہ متوفیہ نفسیاتی مسائل کا شکار تھی جبکہ فلیٹ کرایے کا ہے اور کچھ مالی پریشانیاں بھی سامنے آئی ہیں ، جس وقت خودکشی کا واقعہ پیش آیا۔خاتون گھر پر اکیلی تھی بچے باہر گئے ہوئے تھے اور جب وہ واپس آئے تو گیٹ اندر سے بند تھا اور نہ کھولنے پر انھوں پڑوسیوں کو آگاہ کی تاہم پولیس اس حوالے سے مزید چھان بین کر رہی ہے ۔