بنوں ، پولیس اورسی ٹی ڈی کا آپریشن، 6 دہشتگرد ہلاک، 3 گرفتار

میریان میں پولیس ، سی ٹی ڈی نے دہشتگردوں کیخلاف مشترکہ طور پر انٹیلی جنس بیسڈ آپریشن کیا

جمعہ 1 اگست 2025 12:09

بنوں(اُردو پوائنٹ اخبارتازہ ترین - این این آئی۔ 01 اگست2025ء) بنوں میں پولیس اور سی ٹی ڈی کے آپریشن کے دوران 6 دہشتگرد ہلاک ہوگئے۔ نجی ٹی وی کے مطابق بنوں کے علاقے میریان میں پولیس اور سی ٹی ڈی نے دہشتگردوں کے خلاف مشترکہ طور پر انٹیلی جنس بیسڈ آپریشن کیا، جس دوران دہشتگردوں کے ٹھکانوں کو نشانہ بناکر مکمل تباہ کردیا گیا۔

(جاری ہے)

آرپی او بنوں سجاد خان کے مطابق گزشتہ رات سے جاری آپریشن میں6 دہشتگرد مارے جاچکے اور3 کو زخمی حالت میں گرفتار کرلیا گیا ہے۔ آرپی او بنوں نے بتایا کہ آپریشن کے دوران 25 مشتبہ افراد کو بھی گرفتار کیاگیا ہے۔