2075 دکانداروں کے خلاف چینی کی قیمتوں میں ناجائز منافع خوری پر کارروائیاں

جمعہ 1 اگست 2025 12:30

لاہور(اُردو پوائنٹ اخبارتازہ ترین - این این آئی۔ 01 اگست2025ء)پرائس کنٹرول اینڈ کماڈیٹیز مینجمنٹ ڈیپارٹمنٹ کی جانب سے چینی کے مقرر کردہ نرخوں پر عملدرآمد نہ کرنے والوں کے خلاف کریک ڈائون جاری ہے ۔

(جاری ہے)

ترجمان کے مطابق24 گھنٹوں کے دوران 2075 دکانداروں کے خلاف چینی کی قیمتوں میں ناجائز منافع خوری پر کارروائیاں کی گئیں، پنجاب بھر میں 299 افراد گرفتار، 66 کے خلاف مقدمات درج، 1776 افراد کو جرمانے عائد کیے گئے،اب تک 21 ہزار 58 افراد کے خلاف کارروائیوں میں 1256 افراد گرفتار 172 کیخلاف مقدمات درج کروائے گئے ہیں،لاہور ڈویژن میں 97 گراں فروشوں کیخلاف کارروائیاں، 07 گرفتار ،01 کیخلاف مقدمات درج کروائے گئے۔

ترجمان پرائس کنٹرول کے مطابقگوجرانولہ ڈویژن میں91 اور فیصل آباد میں 75 دوکانداروں کیخلاف چینی کے نرخوں کی خلاف ورزی پر کارروائیاں کی گئیں، ساہیوال ڈویژن میں 14، سرگودھا 32 جبکہ راولپنڈی میں 1466 گراں فروشوں کیخلاف کارروائیاں کی گئیں،بہاولپور ڈویژن میں 125 ڈی جی خان 71، جبکہ ملتان میں 104 چینی گراں فروشوں کے خلاف کارروائیاں کی گئیں۔ ترجمان کے مطابق چینی کی قیمتوں میں مصنوعی اضافے اور قلت پیدا کرنے والوں کو گرفتار اور بھاری جرمانے عائد کیے جارہے ہیں، عام مارکیٹ میں نرخوں پر عملدرآمد میں واضح بہتری آئی ہے۔