وزیر مملکت برائے وفاقی تعلیم و پیشہ ورانہ تربیت، وجیہہ قمر،صوبائی وزیر تعلیم راحیلہ حمید خان درانی کا سردار بہادر خان وومن یونیورسٹی کا دورہ

جمعہ 1 اگست 2025 20:45

کوئٹہ(اُردو پوائنٹ اخبارتازہ ترین - این این آئی۔ 01 اگست2025ء) وزیر مملکت برائے وفاقی تعلیم و پیشہ ورانہ تربیت، وجیہہ قمر،صوبائی وزیر تعلیم راحیلہ حمید خان درانی، اور ڈائریکٹر جنرل نیوٹیک (NAVTTC) حسین بخش مگسی نے جمعرات دخترانِ پاکستان ایونٹ کے تحت سردار بہادر خان ویمن یونیورسٹی (SBKWU) کا دورہ کیا۔پروفیسر ڈاکٹر وائس چانسلر SBKWU روبینہ مشتاق نے معزز مہمانوں کو خوش آمدید کہا۔

(جاری ہے)

دورے کے دوران ایک مختصر تعارفی پریزنٹیشن پیش کی گئی جس میں یونیورسٹی کی سابقہ کامیابیوں اور آئندہ ضروریات کو اجاگر کیا گیا۔ اس موقع پر پرو وائس چانسلر، رجسٹرار، ڈینز اور ڈائریکٹرز بھی موجود تھے۔ اس کے بعد صوبائی وزیر تعلیم راحیلہ حمید درانی اور وائس چانسلر SBKWU پروفیسر ڈاکٹر روبینہ مشتاق نے وزیر مملکت برائے وفاقی تعلیم و پیشہ ورانہ تربیت وجیہہ قمر کو اعزازی شیلڈ پیش کی اور یونیورسٹی کے دورے پر معزز مہمان کا شکریہ ادا کیا۔