ہماری کسی سے لڑائی نہیں، ملک آئین وقانون کے مطابق چلایا جائے، محمود اچکزئی

ہفتہ 2 اگست 2025 01:35

اسلام آباد (اُردو پوائنٹ اخبارتازہ ترین - این این آئی۔ 02 اگست2025ء)سربراہ تحریک تحفظ آئین پاکستان محمود اچکزئی نے کہا ہے کہ ہماری کسی سیکوئی لڑائی نہیں ہے، ملک کو آئین وقانون کے مطابق چلایا جائے۔وفاقی دارالحکومت میں اے پی سی سے خطاب کرتے ہوئے محمود خان اچکزئی کا کہنا تھا کہ یہ کانفرنس ایک کروڑ سے زائد لوگوں نے دیکھی، یہ عوامی شعور اور پاکستان کے مسائل پر گفتگو کی بڑی کامیابی ہے۔

(جاری ہے)

انہوں نے کہا کہ قائداعظم ایک آئینی ماہر تھے، 1940 کی قرارداد ایک سوچا سمجھا فیصلہ تھا، قراردادِ لاہور میں آزاد ریاستوں کی بات کی گئی تھی، ہمارے اکابرین 23مارچ کو یومِ جمہوریت کے طور پر مناتے تھے۔سربراہ تحریک تحفظ آئین پاکستان نے کہا کہ قائداعظمؒ نے اقلیت کے حقوق کے تحفظ کیلئے قرارداد پیش کی، آئین مقدس سہی لیکن انسانی ضروریات اس سے بھی مقدم ہیں۔محمود خان اچکزئی نے کہا کہ ہماری کسی سے کوئی لڑائی نہیں ہے، ملک کو آئین وقانون کے مطابق چلایا جائے، عوام بھوکے مر رہے ہیں، لوگوں کو انصاف دیا جائے۔