وائس چانسلر نے پنجاب یونیورسٹی کی دوبارہ ڈیزائن کی گئی ویب سائٹ کا افتتاح کردیا

ہفتہ 2 اگست 2025 16:22

لاہور (اُردو پوائنٹ اخبارتازہ ترین - این این آئی۔ 02 اگست2025ء) وائس چانسلر پروفیسر ڈاکٹر محمد علی نے پنجاب یونیورسٹی کی دوبارہ ڈیزائن کی گئی ویب سائٹ کا افتتاح کردیا۔ اس سلسلے میں وائس چانسلر آفس میں خصوصی تقریب کا انعقاد کیا گیا جس میںپرو وائس چانسلر پروفیسر ڈاکٹر خالد محمود،رجسٹرارڈاکٹر احمد اسلام، ڈی جی آئی ٹی پروفیسر ڈاکٹر محمد مرتضیٰ یوسف، ڈی جی ایس ای ایس ڈاکٹر ریحان صادق شیخ، ڈائریکٹر آئی ٹی عمران قریشی، ڈپٹی ڈائریکٹر مجتبیٰ علی اور ویب سیکشن کی ٹیم نے شرکت کی۔

اپنے خطاب میں وائس چانسلر پروفیسر ڈاکٹر محمد علی نے کہا کہ پنجاب یونیورسٹی اعلیٰ تعلیم میں لیڈر کا کردار ادا کرتے ہوئے جدت کی جانب گامزن ہے۔ انہوں نے کہا کہ ڈیزائن کی گئی ویب سائٹ کا مقصد طلباؤطالبات، فیکلٹی ممبران،ملازمین، ایلومنائی سمیت زیادہ سے زیادہ صارفین کے لئے قابل رسائی آن لائن سہولیات کی فراہمی کو یقینی بنانا ہے۔

(جاری ہے)

انہوں نے آئی ٹی ٹیم کی کاوشوں کو سراہا۔

ڈی جی آئی ٹی ڈاکٹر مرتضیٰ یوسف نے کہا کہ نئی جدید ڈیزائن کی گئی ویب سائٹ بین الاقوامی اور قومی ویب سائٹس کے مطابق تیار کی گئی ہے۔ انہوں نے کہا کہ نیا ڈیزائن بہتر نیویگیشن کے ساتھ ہے۔ انہوں نے مزید کہا کہ نئی ویب سائٹ میں تعلیمی شعبہ جات، تعلیمی پروگرامز، داخلوں، تحقیق، امتحانات، کیمپس کی زندگی سمیت کئی شعبوں کے بارے میں اپ ڈیٹ اور وسیع وسائل ہیں۔ انہوں نے کہا کہ نئی ویب سائٹ جدت کے حوالے سے ہمارے عزم کی عکاسی کرتی ہے۔