وزارت مذہبی امور نے ہوپ کو نجی سکیم کے تحت حج سے محروم عازمین کو آئندہ سال بغیر اضافی رقم حج پر بھیجنے کی یقین دہانی کرا دی

ہفتہ 2 اگست 2025 22:24

اسلام آباد (اُردو پوائنٹ اخبارتازہ ترین - این این آئی۔ 02 اگست2025ء)وزارت مذہبی امور نے ہوپ کو نجی سکیم کے تحت حج سے محروم عازمین کو آئندہ سال بغیر اضافی رقم حج پر بھیجنے کی یقین دہانی کرا دی۔ذرائع کے مطابق وزارت مذہبی امور نے کہا ہے کہ ان عازمین کی جمع کروائی گئی رقم اب بھی سعودی عرب میں محفوظ ہے۔ سعودی عرب کے بینکنگ سسٹم میں والٹ اکائونٹس کے تحت ان عازمین کے تقریبا 490ملین سعودی ریال)تقریبا 36ارب پاکستانی روپی)موجود ہیں۔

(جاری ہے)

وزارت مذہبی امور کے مطابق گزشتہ سال دعوی کیا گیا تھا کہ 67ہزار کوٹہ مکمل استعمال ہوا، تاہم درحقیقت صرف تقریبا 63ہزار کا حج کوٹہ ہی استعمال ہو سکا تھا۔ نجی آپریٹرز کی جانب سے اس کوٹے پر مکمل بکنگ نہ ہونے کے باعث ہزاروں عازمین حج سے محروم رہ گئے۔سینیٹ کی قائمہ کمیٹی برائے مذہبی امور پہلے ہی وزارت مذہبی امور اور نجی حج آپریٹرز کو اس غفلت کا ذمہ دار قرار دے چکی ہے۔ چیئرمین قائمہ کمیٹی نے واضح کیا کہ حج سے رہ جانے والے ہزاروں پاکستانیوں کی محرومی کی اصل وجہ وزارت اور نجی آپریٹرز کی ناقص کارکردگی تھی۔