یومِ آزادی معرکۂ حق، قربانیوں سے جڑی پاکستان کی کہانی،کرنل جی بی شاہ(ر)کی زبانی

اتوار 3 اگست 2025 13:40

اسلام آباد (اُردو پوائنٹ اخبارتازہ ترین - اے پی پی۔ 03 اگست2025ء) یومِ آزادی معرکۂ حق میں قربانیوں سے جڑی پاکستان کی کہانی بیان کرتے ہوئے کرنل جی بی شاہ(ر)نے کہا کہ 14 اگست وہ تاریخ ساز دن ہے جب ایک آزاد اور خودمختار ریاست کا خواب حقیقت میں ڈھلا،یومِ آزادی عزمِ نو کا دن ہے جو ہمیں ہمارے بزرگوں کی لازوال قربانیوں کی یاد دلاتا ہے۔

(جاری ہے)

یومِ آزادی معرکۂ حق کے پس منظر میں کرنل جی بی شاہ (ریٹائیرڈ)نے تحریکِ آزادی کے اہم حقائق پر روشنی ڈالتے ہوئے کہا کہ پاکستان کی بنیاد قربانی، جدوجہد اور ایمان پر رکھی گئی۔

انہوں نے کہا کہ 1947 کے بعد پاکستان کا قائم رہنا محض جذبے کی بدولت ممکن ہوا، اس وقت سول ایڈمنسٹریشن تقریباً مفلوج ہو چکی تھی، بڑے افسران ہندوستان جا چکے تھے اور وسائل کی شدید کمی تھی۔ کرنل جی بی شاہ(ریٹائیرڈ) نے مزید کہا کہ مہاجرین، جو اعلیٰ عہدوں پر فائز تھے انہوں نے پاکستان آ کر کم تنخواہیں قبول کیں تاکہ نئی ریاست کو مالی فائدہ ہو، یہی ایثار اور خلوصِ نیت اس ملک کی اصل طاقت بنی اور پاکستان ابتدائی بحرانوں سے نکل کر استحکام کی راہ پر گامزن ہوا۔