غزہ میں اسرائیلی مظالم کیخلاف دنیا بھر میں احتجاج

برطانیہ،اسرائیل ،فرانس، آسٹریلیا، جنوبی افریقا اور یمن میں غزہ کے حق میں مظاہرے

اتوار 3 اگست 2025 15:15

غزہ(اُردو پوائنٹ اخبارتازہ ترین - این این آئی۔ 03 اگست2025ء)غزہ میں بھوک کو جنگی ہتھیار بنانے پر اسرائیل کے خلاف دنیا بھر میں احتجاج کیا گیا۔خالی برتن بجاتے سیکڑوں لوگوں نے لندن اور مانچسٹر میں احتجاجی ریلیاں نکالیں۔

(جاری ہے)

مظاہرین نے برطانوی حکومت سے اسرائیل کو ہتھیاروں کی فراہمی روکنے اور تجارتی تعلقات ختم کرنے کا مطالبہ کیا۔تل ابیب میں بھی اسرائیلی شہریوں نے نیتن یاہو حکومت کے خلاف احتجاج کیا اور حکومت سے غزہ میں فوری جنگ بند کرنے، یرغمالیوں کو رہا کرانے کا مطالبہ کیاعلاوہ ازیں فرانس، آسٹریلیا، جنوبی افریقا اور یمن میں بھی غزہ کے حق میں مظاہرے ہوئے۔