پاکستان ہاکی ٹیم کا پرو ہاکی لیگ میں شرکت کا قوی امکان

ایف آئی ایچ نے پاکستان کو تصدیق کرنے کے لیے 12اگست تک کی ڈیڈ لائن دی

اتوار 3 اگست 2025 18:50

لاہور(اُردو پوائنٹ اخبارتازہ ترین - این این آئی۔ 03 اگست2025ء)پاکستان ہاکی ٹیم کا پرو ہاکی لیگ میں شرکت کا قوی امکان ہے۔ذرائع کے مطابق پرو ہاکی لیگ میں شرکت کے معاملے پر پاکستان ہاکی فیڈریشن نے بھی مثبت پیشرفت کا اظہار کیا ہے۔

(جاری ہے)

ذرائع نے بتایا کہ مثبت پیشرفت جاری ہے، تاہم ایف آئی ایچ کو تاحال باضابطہ طور پر آگاہ نہیں کیا گیا، آئندہ ہفتے کے دوران صورتحال واضح ہو سکتی ہے کیونکہ ایف آئی ایچ نے پاکستان کو تصدیق کرنے کے لیے 12اگست تک کی ڈیڈ لائن دی ہے۔واضح رہے کہ نیوزی لینڈ کے پرو لیگ سے دستبرداری کے فیصلے کے بعد پاکستان کو شرکت کی دعوت دی گئی تھی۔