اوول ٹیسٹ، فریکچرڈ ہاتھ سے بیٹنگ کیلئے آنے پر کرس ووکس نے تماشائیوں سے خوب داد سمیٹی

دوسرے اینڈ سے گس ایٹکنسن نے مزاحمت جاری رکھی لیکن وہ ہدف سے 6 رنز دوری پر ہمت ہار گئے

ذیشان مہتاب منگل 5 اگست 2025 12:07

اوول ٹیسٹ، فریکچرڈ ہاتھ سے بیٹنگ کیلئے آنے پر کرس ووکس نے تماشائیوں ..

لندن (اردو پوائنٹ تازہ ترین اخبار ۔ 5 اگست 2025ء ) بھارت نے انگلینڈ کو پانچویں اور آخری ٹیسٹ میں دلچسپ مقابلیکے بعد 6 رنز سے ہرا دیا، انگلش فاسٹ بولر کرس ووکس ٹیم کو فتح تو نہ دلواسکے تاہم فریکچرڈ ہاتھ سے بیٹنگ کے لیے آنے پر تماشائیوں سے بھرپور داد سمیٹی۔

لندن اوول میں ٹیسٹ کے آخری دن انگلینڈ کو 374 رنز کا ہدف حاصل کرنے کیلیے صرف 35 رنز درکار تھے اور اس کی 4 وکٹیں باقی تھی۔

ابتدا میں جیمی اوورٹن نے دو چوکے لگاکر انگلینڈ کو دن کا اچھا آغاز فراہم کیا لیکن دوسرے ہی اوور میں جیمی اسمتھ، محمد سراج کا شکار ہوگئے۔

(جاری ہے)

پھر سراج نے اوورٹن کو بھی پویلین بھیج دیا، جوش ٹنگ بغیر کوئی رن بنائے چلتے بنے۔

آخر میں میچ کے دوران انجرڈ ہونے والے کرس ووکس زخمی ہاتھ کے ساتھ بیٹنگ کیلیے آئے، دوسرے اینڈ سے گس ایٹکنسن نے مزاحمت جاری رکھی لیکن وہ ہدف سے 6 رنز دوری پر ہمت ہارگئے۔

انگلینڈ کی ٹیم 367 رنز بناکر آؤٹ ہوگئی اور یوں پہلی مرتبہ ہونے والے اینڈرسن، ٹنڈولکر ٹرافی سیریز دو۔ دو سے برابر ی پر ختم ہوئی۔

کرس ووکس ٹیم کو فتح تو نہ دلواسکے تاہم ہمت اور بہادری دکھانے پر تماشائیوں نے ان کی خوب حوصلہ افزائی کی۔