افغانستان کا ایشیا کپ، سہ ملکی سیریز کیلئے ابتدائی اسکواڈ کا اعلان

ایشیا کپ اور سہ ملکی سیریز میں ٹیم کی قیادت راشد خان کریں گے‘ ابتدائی اسکواڈ میں 22 کھلاڑی شامل

ذیشان مہتاب منگل 5 اگست 2025 11:54

افغانستان کا ایشیا کپ، سہ ملکی سیریز کیلئے ابتدائی اسکواڈ کا اعلان

کابل (اردو پوائنٹ تازہ ترین اخبار ۔ 5 اگست 2025ء ) افغانستان نے ایشیا کپ اور سہ ملکی سیریز کے لیے ابتدائی اسکواڈ کا اعلان کر دیا۔

افغانستان کرکٹ بورڈ نے پیر کو پاکستان اور میزبان متحدہ عرب امارات کے خلاف آئندہ ٹی ٹوئنٹی سہ فریقی سیریز اور مینز ایشیا کپ 2025ء کے لیے 22 رکنی ابتدائی اسکواڈ کا اعلان کیا۔

کرکٹ بورڈ کے مطابق اسٹار اسپنر راشد خان کی قیادت میں یہ ابتدائی اسکواڈ آئندہ ٹی ٹوئنٹی مقابلوں سے قبل دو ہفتوں کے تربیتی اور تیاری کیمپ میں شرکت کرے گا۔

(جاری ہے)

اس دو ہفتے کے کیمپ کے اختتام پر اسکواڈ کو کم کر کے 15 کھلاڑیوں پر مشتمل کر دیا جائے گا۔

واضح رہے کہ سہ فریقی ٹی ٹوئنٹی سیریز 29 اگست سے 7 ستمبر تک شارجہ کرکٹ اسٹیڈیم میں کھیلی جائے گی جبکہ ایشیا کپ 9 سے 28 ستمبر تک یو اے ای میں ہی ہوگا۔

افغانستان کا ابتدائی اسکواڈ : افغانستان کے اسکواڈ مین راشد خان (کپتان)، رحمان اللہ گرباز، صدیق اللہ ، وافی اللہ ، ابراہیم زدران، درویش رسولی، محمد اسحاق، محمد نبی، ننگیال خروٹی، شراف الدین اشرف، کریم جنت، عظمت اللہ عمرزئی، گل بدین نائب، مجیب زدران، اے ایم غضنفر، نور احمد، فضل الحق فاروقی، نوین الحق، فرید ملک، سلیم صافی، عبداللہ احمدزئی اور بشیر احمد شامل ہیں۔