سیکرٹری پرائس کنٹرول کی ہدایت پر کین کمشنر پنجاب کی مختلف ڈویژن میں چینی سٹاک کی تفصیلات جاری

اتوار 3 اگست 2025 22:00

لاہور (اُردو پوائنٹ اخبارتازہ ترین - اے پی پی۔ 03 اگست2025ء) سیکرٹری پرائس کنٹرول ڈاکٹر احسان بھٹہ کی ہدایت پر کین کمشنر پنجاب نے مختلف ڈویژن میں فراہم کردہ چینی سٹاک کی تفصیلات جاری کر دیں۔

(جاری ہے)

ترجمان پرائس کنٹرول اینڈ کماڈیٹیز مینجمنٹ ڈیپارٹمنٹ کے مطابق گزشتہ 2 روز میں عام مارکیٹ اور صنعتی استعمال کیلئے 1لاکھ 82 ہزار 463میٹرک ٹن چینی فراہم کی جا چکی ہے، گزشتہ 24گھنٹوں میں لاہور ڈویژن کیلئے 680، گوجرانولہ ڈویژن کیلئے 489میٹرک ٹن چینی فراہم کی گئی ہے،سرگودھا ڈویژن کیلئے 848،راولپنڈی 528، ساہیوال کیلئے 327میٹرک ٹن چینی سٹاک فراہم کیا جاچکا ہے، بہاولپور ڈویژن میں 1ہزار 810، ڈی جی خان1ہزار 644میٹرک ٹن چینی کی فراہمی یقینی بنائی گئی۔

فیصل آباد ڈویژن میں 3ہزار 117، ملتان ڈویژن میں 609میٹرک ٹن چینی کی فراہمی یقینی بنائی جا چکی ہے۔ ترجمان کا مزید بتانا تھا کہ پنجاب بھر میں چینی سٹاک کی وافر دستیابی ہے، قلت بارے خبریں بے بنیاد ہیں، عوام سے گزارش ہے کہ روزمرہ استعمال کے مطابق چینی کی خریداری کریں، گراں فروشوں اور ناجائز ذخیرہ اندوزی کرنیوالوں سے حکومت آہنی ہاتھوں سے نمٹ رہی ہے۔