ایرانی صدر ڈاکٹر مسعود پیزشکیان دو روزہ دورہ پاکستان مکمل کر کے وطن واپس روانہ ، وفاقی وزراء ریاض حسین پیرزادہ اور عطاء اللہ تارڑ نے ایرانی صدر کو الوداع کیا

پیر 4 اگست 2025 00:20

اسلام آباد (اُردو پوائنٹ اخبارتازہ ترین - اے پی پی۔ 04 اگست2025ء) ایران کے صدر ڈاکٹر مسعود پیزشکیان دو روزہ دورہ پاکستان مکمل کر کے وطن واپس روانہ ہو گئے۔

(جاری ہے)

وفاقی وزراء ریاض حسین پیرزادہ اور عطاء اللہ تارڑ نے اتوار کو نور خان ایئر بیس پر ایران کے صدر مسعود پیزشکیان کو الوداع کیا۔ اس موقع پر وفاقی وزراء نے ایران کے صدر کو دورہ کے یادگار لمحات پر مبنی تصویری ایلبم بھی پیش کیا۔ یہ تصویری ایلبم پاکستان اور ایران کے درمیان بڑھتے ہوئے دوستانہ تعلقات اور ثقافتی روابط کا عکاس ہے۔ ایران کے صدر نے اس خوبصورت تصویری ایلبم پر وفاقی وزراء کا شکریہ ادا کیا۔