Live Updates

عبدالرزاق کے ساتھ تعلقات، بھارتی اداکارہ تمنا بھاٹیا کا ردعمل سامنے آگیا

سال 2020ء میں سابق پاکستانی کرکٹر سے متعلق گردش کرتی افواہ یہ تھی کہ تمنا بھاٹیا نے ان سے خفیہ شادی کر لی ہے

ذیشان مہتاب پیر 4 اگست 2025 11:21

عبدالرزاق کے ساتھ تعلقات، بھارتی اداکارہ تمنا بھاٹیا کا ردعمل سامنے ..

ممبئی (اردو پوائنٹ تازہ ترین اخبار ۔ 4 اگست 2025ء ) بھارتی اداکارہ تمنا بھاٹیا کا ماضی میں سابق پاکستانی آل راؤنڈر عبدالرزاق کے ساتھ تعلقات کی افواہوں پر پہلی بار کھل کر ردعمل سامنے آگیا۔

بھارتی میڈیا کے مطابق 35 سالہ اداکارہ تمنا بھاٹیا نے حالیہ انٹرویو میں سابق پاکستانی کرکٹر عبدالرزاق کے ساتھ مبینہ تعلقات کی افواہوں پر پہلی بار کھل کر بات کی۔

2020ء میں سابق پاکستانی کرکٹر عبدالرزاق سے متعلق گردش کرتی افواہ یہ تھی کہ تمنا نے ان سے خفیہ شادی کر لی ہے۔ اس کی وجہ ایک پرانی تصویر تھی جس میں اداکارہ اور عبدالرزاق کو جیولری کی دکان پر ایک ساتھ دیکھا گیا۔

اس بارے میں بات کرتے ہوئے اداکارہ تمنا بھاٹیا نے ہنستے ہوئے کہا کہ 'مزاق مزاق میں، عبدالرزاق! انٹرنیٹ واقعی ایک مزے کی جگہ ہے'۔

(جاری ہے)

تمنا بھاٹیا نے کہا کہ انٹرنیٹ کے مطابق تو میری عبدالرزاق سے شادی بھی ہو چکی تھی!۔

انہوں نے عبدالرزاق کو مخاطب کرتے ہوئے کہا کہ معاف کیجئے گا سر، آپ کے تو بچے ہیں۔

اداکارہ تمنا نے وضاحت کی کہ وہ تصویر دراصل ایک جیولری کی دکان کے افتتاح کے موقع کی ہے، جہاں عبدالرزاق اور وہ اتفاقاً شریک ہوئے تھے۔

تمنا بھاٹیا نے مزید کہا کہ یہ بہت عجیب ہوتا ہے۔ جب کسی سے کوئی تعلق ہی نہ ہو اور لوگ خود سے کہانیاں بنا لیں۔ لیکن آپ کچھ نہیں کر سکتے۔ وقت لگتا ہے، پھر آپ کو قبول کرنا پڑتا ہے کہ لوگ جو چاہیں گے، وہی سوچیں گے۔ آپ ہر کسی کو بیٹھ کر سمجھا نہیں سکتے۔