دہشتگردی ،سنگین جرائم کیخلاف پولیس کی قربانیوں کو فراموش نہیں کیا جا سکتا‘راجہ پرویز اشرف

پیر 4 اگست 2025 17:27

لاہور (اُردو پوائنٹ اخبارتازہ ترین - این این آئی۔ 04 اگست2025ء) سابق وزیراعظم اور پیپلز پارٹی وسطی پنجاب کے صدر راجہ پرویز اشرف نے شہدائے پولیس کو خراج عقیدت پیش کرتے ہوئے کہا ہے کہ آج کے دن شہدا کے خاندانوں سے بھر پور اظہار یکجہتی کرتے ہیں۔

(جاری ہے)

شہدائے پولیس کی قومی دن پر اپنے پیغام میں راجہ پرویز اشرف نے کہا کہ پولیس کی شاندار کارکردگی کے باعث 25کروڑ عوام سکون کی نیند سوتے ہیں،فرائض کی ادائیگی میں جانوں کا نذرانہ پیش کرنے والے پولیس اہلکار ہمارے سر کا تاج ہیں۔

راجہ پرویز اشرف نے کہا کہ دہشت گردی اور سنگین جرائم کے خلاف پولیس کی قربانیوں کو فراموش نہیں کیا جا سکتا،کے پی،بلوچستان سندھ اور کچے میں امن کی خاطر سینہ سپر پولیس اہلکاروں کو سلام پیش کرتے ہیں۔راجہ پرویز اشرف نے کہا کہ آئیں آج ملکراپنے معاشرے کو جرائم سے پاک کرنے کا عہد کریں۔