بلوچستان اسمبلی ،قائمہ کمیٹی صحت کا اجلاس ، کوئٹہ کارڈیالوجی ہسپتال اور بلوچستان انسٹیٹیوٹ آف نیفرویورولوجی کے ترمیمی بلززیر غور آئے

پیر 4 اگست 2025 18:02

کوئٹہ(اُردو پوائنٹ اخبارتازہ ترین - این این آئی۔ 04 اگست2025ء) بلوچستان اسمبلی کی قائمہ کمیٹی برائے صحت عامہ کا اجلاس چیئرمین ڈاکٹر محمد نواز کبزئی کی زیرصدارت پیر کو منعقدہوا ۔اجلاس میں اراکین مجلس عبیداللہ گورگیج ، غلام دستگیر بادینی ،سیکرٹری اسمبلی طاہر شاہ کاکڑ اور سیکرٹری صحت مجیب پانیزئی نے شرکت کی۔

(جاری ہے)

اجلاس میں شیخ محمد بن زاید النہیان انسٹیٹیوٹ آف کارڈیالوجی کوئٹہ اور بلوچستان انسٹیٹیوٹ آف نیفرویورولوجی کے ترمیمی بلز سے متعلق قوانین زیر غور آئے اور محکمہ صحت نے مجوزہ بلز پر تفصیلی بریفنگ دی اراکین نے مختلف نکات اٹھائے اور مفید تجاویز دیںاوربلز کو بہتر بنانے کے لیے مزید مشاورت کی سفارش کی۔

اجلاس میں فیصلہ کیا گیا کہ کمیٹی کا آئندہ اجلاس جلد بلایا جائے گاجس میں بلز کو حتمی شکل دیکر اسمبلی میںپیش کیا جائے گا۔