شیرازاپل نے اے آر رحمان کو استاد قرار دے دیا

پیر 4 اگست 2025 22:36

اسلام آباد (اُردو پوائنٹ اخبارتازہ ترین - این این آئی۔ 04 اگست2025ء)پاکستان میوزک انڈسٹری کے معروف گلوکار شیراز اپل نے بھارتی لیجنڈری گلوکار اور موسیقار اے آر رحمان کو اپنا استاد قرار دے دیا۔نجی ٹی وی پروگرام میں گفتگو کرتے ہوئے گلوکار شیراز اپل نے کہا کہ آج بھی اے آر رحمان مجھے بلائیں گے تو میں چلا جاؤں گا کیونکہ ان سے میرا رشتہ دونوں ممالک کے تعلقات سے بڑھ کر ہے وہ ایک مسلمان اور میرے استاد ہیں۔

گلوکار کا جواب سن کر میزبان تابش ہاشمی نے کہا کہ آپ یہ بات پاکستان میں بیٹھ کر بہت آرام سے بغیر کسی خوف و خطرے کے کرسکتے ہیں یہ ہمارے ملک کی اچھی بات ہے لیکن یہی بات اے آر رحمان بھارت میں بیٹھ کر نہیں کرسکتے اگر بھارت میں کسی نے اے آر رحمان سے یہی سوال پوچھا تو وہ جواب تک نہیں دے پائیں گے۔

(جاری ہے)

شیراز اپل نے بتایا کہ پاک بھارت کشیدگی کے باعث مختلف فنکاروں کے نام اور چہرے پوسٹرز سے ہٹا دیے لیکن رائیلٹی اب بھی سب کو آ رہی ہے، پیسہ نہیں رکا کیونکہ وہ کانٹریکٹ کا حصہ ہے۔

انہوں نے بتایا کہ میری اہلیہ ہی میری مینیجر ہے، ابتدائی طور پر اہلیہ نے اے آر رحمان کو بذریعہ ای میل میرے بارے میں بتایا جس کے جواب میں ان کا صرف ایک لفظ ’انشااللّٰہ‘ کا جواب آیا۔ بعدازاں ہمیں معلوم ہوا کہ بھارتی لیجنڈری گلوکار کسی ہوٹل میں آڈیشنز لے رہے ہیں تو ہم وہاں پہنچ گئے کافی گھنٹے ان کا انتظار کرنے کے بعد ہمیں ان سے ملاقات کا موقع ملا تو میں نے آڈیشن دیا جو انہیں پسند آیا پھر تقریباً 3 سے 4 ماہ بعد انہوں نے مجھے گانے ’شاکالاکہ شاکالاکہ‘ کے لیے برطانیہ بلا لیا۔

Facebook Twitter Google + Share on Whatsapp

شیرازاپل نے اے آر رحمان کو استاد قرار دے دیا

متعلقہ عنوان :

مزید فن و فنکار کی خبریں