آئی سی سی بی ایس اورسائرن کے تحت آج پائیدار زراعت پر منی سمپوزیم ہوگا

منگل 5 اگست 2025 16:41

کراچی(اُردو پوائنٹ اخبارتازہ ترین - این این آئی۔ 05 اگست2025ء)کراچی بین الاقوامی مرکز برائے کیمیائی و حیاتیاتی علوم(آئی سی سی بی ایس)،جامعہ کراچی اور حکومتِ سندھ کے تحت کام کرنے والے سندھ انوویشن، ریسرچ، اینڈ ایجوکیشن نیٹ ورک(سائرن) کے اشتراک سے آج(بدھ)6اگست کو صبح10بجے سے دوپہر12بجے تک ''موسمیاتی تبدیلی کے تناظر میں خوراک اور غذائی تحفظ کے لیے پائیدار زراعت'' کے عنوان سے ایک منی سمپوزیم ایل ای جے نیشنل سائنس انفارمیشن سینٹر(آئی سی سی بی ایس)کے سیمینار روم میں منعقد ہو گا۔

آئی سی سی بی ایس، جامعہ کراچی کے ترجمان کے مطابق پروفیسر ایمریٹس اور سابق وفاقی وزیر برائے سائنس و ٹیکنالوجی پروفیسر ڈاکٹر عطاالرحمن افتتاحی کلمات پیش کریں گے جبکہ آئی سی سی بی ایس جامعہ کراچی کے ڈائریکٹر پروفیسر ڈاکٹر محمد رضا شاہ کلمہ سپاس ادا کریں گے۔

(جاری ہے)

اس سمپوزیم میں او آئی سی کامسٹیک کے کوآرڈینیٹر جنرل پروفیسر ڈاکٹر ایم اقبال چوہدری بھی خطاب کریں گے جبکہ دیگر ممتاز سینئر ماہرینِ تعلیم اور سائنسدانوں کی علمی گفتگو بھی شامل ہوگی۔ شرکا میں سائرن سے منسلک جامعات کے محققین، طلبہ، سائنسدان، پیشہ ور افراد، اور اساتذہ شامل ہوں گے۔۔ شرکا میں سائرن سے منسلک جامعات کے محققین، طلبہ، سائنسدان، پیشہ ور افراد، اور اساتذہ شامل ہوں گے۔