کاروباری ہفتے کے تیسرے روز ملک بھر میں فی تولہ سونا 1300 روپے مہنگا ہوگیا

بدھ 6 اگست 2025 23:00

کراچی (اُردو پوائنٹ اخبارتازہ ترین - این این آئی۔ 06 اگست2025ء)ملک میں سونے کی قیمتوں میں اتار چڑھا ؤکا سلسلہ جاری ہے، کاروباری ہفتے کے تیسرے روز ملکی صرافہ مارکیٹوں میں سونے کی قیمتوں میں اضافہ دیکھا گیا ہے۔

(جاری ہے)

آل پاکستان جیمز اینڈ جیولرز ایسوسی ایشن کے مطابق بدھ کو سونے کی قیمت میں ایک ہزار 300 روپے کا اضافہ ہوا جس کے بعد فی تولہ سونا 3 لاکھ 59 ہزار 300 روپے کا ہوگیا۔10 گرام سونے کا بھاؤ ایک ہزار 114 روپے اضافے کے بعد 3 لاکھ 8 ہزار 41 روپے ہوگیا۔ایسوسی ایشن کے مطابق عالمی بازار میں سونے کے ریٹ 13 ڈالرز اضافے سے 3 ہزار 366 ڈالرز فی اونس ہوگئے۔