افغان شہریوں کی واپسی کے حوالے سے وزارت داخلہ کا بڑا فیصلہ

وزارت داخلہ نے افغان شہریوں کو واپس بھیجنے کے حوالے سے نوٹیفکیشن جاری کردیا

منگل 5 اگست 2025 22:55

افغان شہریوں کی واپسی کے حوالے سے وزارت داخلہ کا بڑا فیصلہ

اسلام آباد(اُردو پوائنٹ اخبارتازہ ترین - این این آئی۔ 05 اگست2025ء)وزارت داخلہ نے پروف آف رجسٹریشن کارڈ ہولڈر غیر ملکیوں کی واپسی کے حوالے سے بڑا فیصلہ کرتے ہوئے پی او آر ہولڈر افغان شہریوں کو واپس بھیجنے کے حوالے سے نوٹیفکیشن جاری کردیا ہے۔

(جاری ہے)

وزارت داخلہ کے نوٹیفکیشن کے مطابق پی او آر کارڈ ہولڈرز کی رضاکارانہ واپسی کا عمل فوری طور پر شروع کر دیا جائے گا،واپسی کا عمل یکم ستمبر سے شروع ہوگا،یہ فیصلہ سیکیورٹی خدشات اور وسائل پر بڑھتے ہوئے دباؤ کو مدنظر رکھتے ہوئے اعلیٰ سطح اجلاس میں کیا گیا ہے۔

نوٹیفکیشن کے مطابق نادرا بارڈر ٹرمینلز پر واپس جانے والوں کی رجسٹریشن ختم کرے گا، ایف آئی اے نامزد بارڈر کراسنگ پوائنٹس پر سہولت فراہم کرے گا۔نوٹیفکیشن میں کہا گیاہے کہ جلا وطن افراد کیلئے ٹرانزٹ ایریاز اور مالی معاونت کا بندوبست کیا جائے، وطن واپسی کی روزانہ پیشرفت کی نگرانی فارن نیشنل سیکیورٹی ڈیش بورڈ کرے گا۔