خیبرپختونخوا میںکمزور کارکردگی والے تعلیمی اداروں کی آؤٹ سورسنگ کا جائزہ اجلاس

منگل 5 اگست 2025 22:55

پشاور(اُردو پوائنٹ اخبارتازہ ترین - این این آئی۔ 05 اگست2025ء)خیبر پختونخوا میں کمزور کارکردگی والے تعلیمی اداروں کی آؤٹ سورسنگ کے حوالے سے منگل کے روز ایک اعلی سطح اجلاس منعقدہوا، جس کی صدارت چیف سیکرٹری خیبر پختونخوا شہاب علی شاہ نے کی۔ اجلاس میں متعلقہ انتظامی سیکرٹریز اور دیگر حکام نے بھی شرکت کی۔ اجلاس سے خطاب کرتے ہوئے چیف سیکرٹری نے کہا کہ تعلیم حکومت کی اولین ترجیح ہے، اور کمزور کارکردگی والے سکولوں اور کالجوں کی آؤٹ سورسنگ کا مقصد معیار کو بہتر کرنا اور طلبہ کے لئے تعلیمی ماحول بہتر بنانا ہے۔

انہوں نے کہا کہ حکومت صوبے، خصوصاً ضم اضلاع میں خدمات کی فراہمی بہتر بنانا چاہتی ہے، تاکہ مقامی آبادی کے معیار زندگی کو بلند کیا جاسکے۔ انہوں نے کہا کہ جامع کے پی آئیز اور ایجوکیشن مانیٹرنگ اتھارٹی کی نگرانی سے یہ یقینی بنایا جائے گا کہ آؤٹ سورس کئے گئے تعلیمی ادارے معیار پر پورا اتریں۔

(جاری ہے)

چیف سیکرٹری نے متعلقہ حکام کو ہدایت کی کہ وہ ان تعلیمی اداروں کے حوالے سے سروے کرواکر آؤٹ سورسنگ کا عمل مکمل کریں تاکہ منتقلی مؤثر اور منظم طریقے سے ہو سکے۔

یہ بات قابل ذکر ہے کہ پسماندہ علاقوں میں تعلیمی معیار بہتر بنانے کے لئے حکومت کی کوششوں کے تحت اگلے سال تک کمزور کارکردگی والے 1,500 سکولز اور 55 کالجز آؤٹ سورس کئے جائیں گے۔ منصوبے کے تحت ضم اضلاع کے 500 سکولز آؤٹ سورسنگ کئے جائیں گے۔اجلاس میں ان اداروں کے فنانشل ماڈل پر بھی بریفنگ دی گئی جو تیاری کے آخری مرحلے میں ہے

Facebook Twitter Google + Share on Whatsapp

خیبرپختونخوا میںکمزور کارکردگی والے تعلیمی اداروں کی آؤٹ سورسنگ کا جائزہ اجلاس

متعلقہ عنوان :

مزید اہم خبریں