کمشنر راولپنڈی ڈویژن و پراجیکٹ ڈائریکٹر کاراولپنڈی رنگ روڈ منصوبے کا تفصیلی دورہ

بدھ 6 اگست 2025 22:26

راولپنڈی (اُردو پوائنٹ اخبارتازہ ترین - اے پی پی۔ 06 اگست2025ء) کمشنر راولپنڈی ڈویژن و پراجیکٹ ڈائریکٹر نے راولپنڈی رنگ روڈ منصوبے کا تفصیلی دورہ کیا اور کام کی دفاتر و معیار کا تنقیدی جائزہ لیا۔ اس موقع پر ڈی جی راولپنڈی ڈویلپمنٹ اتھارٹی کنزیٰ مرتضیٰ، ڈائریکٹر ڈویلپمنٹ زینیا، ڈی جی پارکس اینڈ ہارٹیکلچر اتھارٹی احمد حسن رانجھا، ایڈیشنل ڈپٹی کمشنر (ریونیو)، ڈپٹی پراجیکٹ ڈائریکٹر رنگ روڈ، متعلقہ اسسٹنٹ کمشنرز، فرنٹیئر ورکس آرگناکے نمائندگان بھی وہاں موجود تھے۔

کمشنر راولپنڈی نے منصوبے کی مجموعی پیشرفت کا جائزہ لیا اور ہدایت کی کہ کام کی رفتار کو بڑھایا جائے تا کہ مقررہ اہداف حاصل کیے جا سکیں۔ پراجیکٹ ڈائریکٹر نے موسمی حالات کے پیش نظر پہلے سے منصوبہ بندی کی ضرورت پر زور دیتے ہوئے کہا کہ مون سون کے دودان اس طرح سے سٹریٹیجی بنائی جائے کہ بارشوں کی وجہ سے کام کی رفتار متاثر نہ ہونے پائے۔

(جاری ہے)

انہوں نے ہدایت کی کہ ٹھلیاں انٹرچینج میں اراضی کے حصول کا عمل فوری طور پر شروع کیا جائے۔ نیز چیئرمین این ایچ اے سے این او سی کے فوری اجراء اور نظرثانی شدہ ڈیزائن کی منظوری کے لیے اجلاس منعقدکیا جائے۔ پراجیکٹ ڈائریکٹر راولپنڈی رنگ روڈ نے ہدایت کی کہ چکری انٹرچینج پر پل کی تعمیر کا آغاز کیا جائے۔ سلوپ کٹنگ اور فارمیشن ورک مکمل اور جن مقامات پر سب بیس ورک کا آغاز نہیں ہوا وہاں فوری آغاز کیا جائے، ریلوے برج اور بانٹھ انٹرچینج پر پیش رفت بڑھائی جائے۔

اس موقع پر بریفنگ دیتے ہوئے کمشنر راولپنڈی کو بتایا گیا کہ راولپنڈی رنگ روڈ منصوبے کی اوورآل پراگریس 70% ہے۔ ٹھلیاں تا بانٹھ انٹرچینج پر نالوں، دریاؤں اور سب وے پر بیک فلنگ کا کام جاری ہے۔ اسکے علاوہ پلوں کی سپر اسٹرکچر (ڈیک لانچنگ) کا کام بھی دوبارہ شروع کر رہے ہیں۔ کمشنر راولپنڈی نے ہدایت کی کہ منصوبے پر ایکٹویٹی اور کمپوننٹ وائز یومیہ پیشرفت کی رپورٹ تیار کی جائے۔\378