پولیس ملازمین اور انکے اہلخانہ کے علاج معالجے کیلئے فنڈز جاری کر دیئے، ترجمان

بدھ 6 اگست 2025 23:01

لاہور (اُردو پوائنٹ اخبارتازہ ترین - اے پی پی۔ 06 اگست2025ء) انسپکٹر جنرل پولیس پنجاب ڈاکٹر عثمان انور اپنی فورس اور انکے اہل خانہ کی ہیلتھ ویلفیئر کیلئے پرعزم ہیں جس کے تسلسل میں پولیس ملازمین اور انکے اہلخانہ کے علاج معالجے کیلئے مزید 22لاکھ 95ہزار روپے فنڈز جاری کر دیئے۔ ترجمان پنجاب پولیس نے تفصیلات بتاتے ہوئے کہا کہ کانسٹیبل شیر علی کو بیوی کے کینسر کے علاج معالجے کیلئے 05 لاکھ روپے فنڈز جاری ، ریٹائرڈ سب انسپکٹر عارف گجر اور مرحوم اے ایس آئی فتح شیر کی بیوہ کو کینسرکو علاج معالجے کیلئے فی کس اڑھائی لاکھ روپے ، ریٹائرڈ انسپکٹر محمد یعقوب، سب انسپکٹرز سجاد یونس اور شبیر حسین کو علاج معالجے کیلئے 02 لاکھ روپے فی کس جاری، اے ایس آئی محمد اعظم، ہیڈ کانسٹیبل مظہر عباس، کانسٹیبل رضوان سلیم،جونیئر پٹرولنگ آفیسر یاسر رفیق اور سکیورٹی کانسٹیبل عمر رمضان کو علاج معالجے کی مد میں ایک لاکھ روپے فی کس فنڈز دئیے گئے جبکہ کانسٹیبل افضال زاہد اور نائب قاصد محمد کو علاج معالجے کی مد میں مجموعی طور پر1 لاکھ 95ہزار روپے دئیے گئے۔

(جاری ہے)

آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈ اجرا کی منظوری دیتے ہوئے کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی جدید سہولیات فراہم کر رہے ہیں۔