اسرائیلی فورسز کی فائرنگ سے فلسطینی فٹبال ٹیم کا کھلاڑی سلیمان العبید شہید

فلسطینی فٹبال ٹیم کا کھلاڑی سلیمان العبید بھی کھانا ملنے کی آس میں اسرائیلی فائرنگ سے شہید ہوا

جمعرات 7 اگست 2025 11:58

غزہ(اُردو پوائنٹ اخبارتازہ ترین - این این آئی۔ 07 اگست2025ء) غزہ پر اسرائیل کے وحشیانہ حملے جاری ہیں، 24 گھنٹوں میں مزید 150 سے زائد فلسطینی شہید ہوگئے۔غیرملکی میڈیا کے مطابق ان شہداء میں امداد کے منتظر 90 فلسطینی بھی شامل ہیں۔

(جاری ہے)

فلسطینی فٹبال ٹیم کا کھلاڑی سلیمان العبید بھی کھانا ملنے کی آس میں اسرائیلی فائرنگ سے شہید ہوا۔سلیمان العبید فلسطینی فٹبال ٹیم کے سابق کپتان بھی تھے۔میڈیا رپورٹس کے مطابق اب تک اسرائیلی حملوں میں مختلف کھیلوں کے 662 کھلاڑی شہید ہوچکے ہیں۔علاوہ ازیں اسرائیلی فوج نے امدادی ٹرکوں کو بمباری سے تباہ سڑکوں کی طرف موڑ دیا، امدادی ٹرک اُلٹنے سے 20 فلسطینی شہید ہوگئے۔