&تھانہ روات پولیس نے انسانی اعضا کی غیر قانونی پیوند کاری میں ملوث گینگ کا رکن گرفتار کر لیا

o آلات پیوند کاری، ادوایات اور دیگر سامان برآمدکر لیا

جمعرات 7 اگست 2025 23:35

8راولپنڈی (اُردو پوائنٹ اخبارتازہ ترین - آن لائن۔ 07 اگست2025ء) تھانہ روات پولیس نے انسانی اعضا کی غیر قانونی پیوند کاری میں ملوث گینگ کا رکن گرفتار کر کے آلات پیوند کاری، ادوایات اور دیگر سامان برآمدکر لیا۔

(جاری ہے)

راولپنڈی پولیس کی ایک ہفتے میں یہ دوسری کاروائی ہے پولیس کے مطابق زیر حراست شخص نے گردے نکال کر ملکی و غیر ملکی شہریوں کے لئے گردے فروخت کرنے کا بھی اعتراف کیا ہے دوران گشت اطلاع موصول ہونے پر پولیس نے مطلوبہ جگہ پر چھاپہ مارا تو ایک شخص کو سٹریچر سے بندھا پایا جسے آزاد کروایا گیا متاثرہ شخص نے بتایا کہ اسے نوکری کے بہانے بلا کر نشہ آور شے پلائی اور مختلف میڈیکل ٹیسٹ کئے گئے ٹیسٹ کروانے کا مقصد متاثرہ شخص کا گردہ نکال کر فروخت کرنا تھا لیکن پولیس کی بروقت کاروائی سے ایک شخص خطرناک غیر قانونی پیوند کاری سے بچ گیا پولیس کے مطابق زیر حراست شخص سے تفتیش کی جا رہی ہے جبکہ فرار ملزمان کی گرفتاری کے لئے چھاپے مارے جا رہے ہیں یاد رہے کہ گزشتہ دنوں تھانہ ائیرپورٹ پولیس نے بھی گردوں کی غیر قانونی پیوند کاری میں ملوث 3 ملزمان کو رنگے ہاتھوں گرفتار کیا تھا۔