علیمہ خانم کی سابق چیئرمین کے بیٹوں کی پاکستان آمد کیلئے اپنے وکیل کو ضروری قانونی کاروائی مکمل کرنے کی ہدایت

راولپنڈی (اُردو پوائنٹ اخبارتازہ ترین - آن لائن۔ 08 اگست2025ء) تحریک انصاف کے سابق چیئرمین کی ہمشیرہ علیمہ خانم نے سابق چیئرمین کے بیٹوں کی پاکستان آمد کے لئے اپنے وکیل کو ضروری قانونی کاروائی مکمل کرنے کی ہدایت کرتے ہوئے کہا ہے کہ قاسم اور سلمان نے برطانوی پاسپورٹ پر ویزہ کے لئے اپلائی کر دیا ہے ان دونوں کے پاس نائیکوپ ہے لیکن کارڈ نہیں ہے اگر کارڈ کے لئے اپلائی کیا تو حکومت 6 ماہ لگا دے گی گزشتہ روز انسداد دہشت گردی کی عدالت کے باہر میڈیا سے گفتگو میں علیمہ خانم نے کہا کہ عدالتوں کورٹ میں ہمارے خلاف کئی مقدمات ہیں یہاں ہماری ضمانت نہیں ہوگی قتل کیس میں میرے وارنٹ گرفتاری نکالے گئے ہیں جب گرفتاری کرنا ہوگی یہ کر لیں گے یہ سب ناجائز مقدمات ہیں میرا جرم یہ ہے میں عمران خان کا میسج عوام میں لاتی ہوں کیا عمران خان کا پیغام باہر لانا جرم ہے ہم عدالت سے بھی کہیں گے آپ کی مجبوری ہے مجبوری میں کب تک ایسا کریں گے کب تک عدالت مجبوری میں ہمیں انصاف نہیں دے گی پولیس والے کہتے ہیں ہم پر دباؤ ہے انہوں نے کہا کہ غلط مقدمات باہر پھینکیں آپ ہیرو بنیں گے قوم آپ کے ساتھ ہوگی ہم کبھی پنڈی اور کبھی لاہور مقدمات میں جا رہے ہیں جرم نہیں تو ہمیں انصاف دیں جرم ہے تو سزا دے دیں غریب آٹھ نو گھنٹے سفر کر کے آتے ہیں ان کی مدد بھی کرتے ہیں اگر کوئی جرم ہے تو ایک دفعہ سب کو بلا کر ثابت کرا دیں یا انہیں چھوڑ دیں انہوں نے کہا کہ پاکستان میں جوڈیشل سسٹم پر اعتماد ختم ہوگیا ہے عدالتیں اسے بحال کریں انہوں نے کہا کہ ہمیں 14 اگست کو بھی سیاسی قوت مظاہرہ کرنا ہوگا 14 اگست آزادی کے لئے مسلمانوں نے قربانیاں دی تھیں ایک دن میں آزادی نہیں ملی 25 لاکھ افراد نے آزادی کے لئے قربانی دی تھی انہوں نے کہا کہ عمران خان اپنی آزادی نہیں قوم کی آزادی چاہتے ہیں 14 اگست عوام کو آزادی نہیں ملی اشرافیہ نے دھوکہ دیا قاسم اور سلمان کے پاس نائیکوپ ہے کارڈ نہیں ہے برطانوی پاسپورٹ پر دونوں نے ویزہ کے لئے اپلائی کر دیا ہے سلمان اور قاسم کو پاکستان آنے سے حکومت نہیں روک سکتی ویزہ کے لئے آج پھر ہم ایمبیسی رابطہ کریں گے ویزہ نہیں دیں گے سلمان اور قاسم مزید کوشش کر لیں گے کارڈ کے لئے اپلائی کیا تو حکومت 6 ماہ لگا دے گی طلال چوہدری سے بھی ویزہ کے لئے رابطہ کر لیں گے وزارت داخلہ نے کہا یہ ہمارا نہیں وزارت خارجہ کا کام ہے ٹریکنگ نمبر بھی اپلائی کا انہیں دیں گے۔