گورنرخیبرپختونخوا کی وفاقی وزیر تجارت جام کمال خان سے ملاقات ، خیرسگالی پیغام پہنچایا

ڈی اے پی حکام گورنرخیبر

جمعہ 8 اگست 2025 22:55

گورنرخیبرپختونخوا کی وفاقی وزیر تجارت جام کمال خان سے ملاقات ، خیرسگالی ..

اسلام آباد (اُردو پوائنٹ اخبارتازہ ترین - این این آئی۔ 08 اگست2025ء)گورنر خیبر پختونخوا فیصل کریم کنڈی نے جمعہ کے روز وفاقی وزیر تجارت جام کمال خان کی رہائش گاہ پر ملاقات کی اور انہیں خیرسگالی کا پیغام پہنچایا۔ملاقات میں باہمی دلچسپی کے امور، خیبر پختونخوا میں تجارت، سرمایہ کاری اور برآمدات کے فروغ کے اقدامات پر تفصیلی تبادلہ خیال کیا گیا۔

اس دوران برآمدات میں اضافے کے لیے ٹریڈ ڈویلپمنٹ اتھارٹی آف پاکستان ، پاکستان ہارٹیکلچر ڈویلپمنٹ اینڈ ایکسپورٹ کمپنی ، جمز اینڈ جیولری اور تمباکو سیکٹر کے کردار پر بھی گفتگو ہوئی۔وفاقی وزیر نے ہدایت دی کہ ٹی ڈی اے پی حکام گورنر خیبر پختونخوا سے ملاقات کریں اور پشاور میں زیر تعمیر ایکسپو سینٹر سے متعلق حکمتِ عملی اور جاری اقدامات پر تفصیلی بریفنگ دیں۔

(جاری ہے)

یہ ملاقات اس موقع پر ہوئی جب پاکستان کی برآمدات نے نئے مالی سال کے پہلے مہینے میں مثبت آغاز کیا۔ جولائی 2025 میں برآمدات 2.7 ارب ڈالر تک پہنچ گئیں، جو جولائی 2024 کے مقابلے میں 17 فیصد زیادہ اور گزشتہ ماہ کے مقابلے میں 9 فیصد زیادہ ہیں۔ وزیر اعظم محمد شہباز شریف نے برآمدات میں اس اضافے پر اطمینان کا اظہار کرتے ہوئے اسے انتہائی حوصلہ افزا قرار دیا۔

گورنر خیبر پختونخوا نے وزارتِ تجارت کی برآمدات کے فروغ کے لیے کوششوں کو سراہا اور صوبے میں معاشی سرگرمیوں کو فروغ دینے کے لیے ہر ممکن تعاون کی یقین دہانی کرائی۔وفاقی وزیر تجارت جام کمال خان نے کہا کہ حکومت جامع اور شمولیتی معاشی ترقی کے لیے پرعزم ہے تاکہ تجارت اور معیشت کے ثمرات تمام صوبوں تک پہنچ سکیں، جن میں خیبر پختونخوا بھی شامل ہے