Live Updates

مکہ اور مدینہ سمیت سعودی عرب کے جنوبی اور مغربی علاقوں میں وسط اگست تک بارشوں کا امکان

جمعہ 8 اگست 2025 14:30

ریاض(اُردو پوائنٹ اخبارتازہ ترین - این این آئی۔ 08 اگست2025ء)سعودی عرب کے موسمیات کے قومی مرکز نے جنوبی اور مغربی علاقوں میں وسط اگست تک بارشوں کی پیشنگوئی کی ہے۔

(جاری ہے)

عرب ٹی وی کے مطابق موسمیات کے مرکز نے اپنے سوشل میڈیا پلیٹ فارم ایکس پر جاری بیان میں کہا ہے کہ جازان، عسیر، الباحہ اور مکہ مکرمہ کے علاوہ مدینہ منورہ اور تبوک ریجن کے بعض علاقوں میں بارشوں کا سلسلہ آئندہ ہفتے شروع نے کا امکان ہے۔ریاض، مشرقی ریجن، قصیم اور حائل میں بھی کہیں کہیں ہلکی بارش ہونے کا امکان ہے۔ قومی مرکز نے شہریوں سے اپیل کی کہ وہ موسم کی تازہ صورت حال جاننے کے لیے محکمے کی ویب سائٹ یا سوشل میڈیا اکانٹس پر جاری ہونے والی رپورٹس اور ہدایات کا باقاعدگی سے مطالعہ کریں۔