ٹرمپ نے آذربائیجان اور آرمینیا کے درمیان امن معاہدہ کرادیا

وائٹ ہائوس میں آذر بائیجان کے صدر اور آرمینیا کے وزیراعظم نے معاہدے پر دستخط کئے

ہفتہ 9 اگست 2025 14:51

واشنگٹن (اُردو پوائنٹ اخبارتازہ ترین - این این آئی۔ 09 اگست2025ء)امریکی صدر ڈونلڈ ٹرمپ نے آذربائیجان اور آرمینیا کے درمیان امن معاہدہ کرادیا۔وائٹ ہاوس میں صدر ٹرمپ کی موجودگی میں آذر بائیجان کے صدر اور آرمینیا کے وزیراعظم نے مکمل جنگ بندی کے معاہدے پر دستخط کئے۔آذر بائیجان اور آرمینیا کے سربراہان نے ٹرمپ کو نوبل امن انعام دینے کی سفارش کردی۔

صدرٹرمپ نے کہا کہ دونوں ممالک تجارت اور معیشت کو ترجیح دیں گے۔

(جاری ہے)

آذر بائیجان کے ساتھ فوجی تعاون پر عائد پابندیوں کو ہٹا رہے ہیں۔امریکی صدر نے کہا کہ دونوں ممالک بڑی جنگ کی طرف جارہے تھے۔ میں نے دونوں ممالک سے کہا لڑائی نہیں تجارت کرو۔ جنگیں نہیں امن اور تجارت چاہتے ہیں۔ٹرمپ کا کہنا تھا کہ میں نے پاکستان اور بھارت کے درمیان جنگ بھی رکوائی۔ روسی صدر پیوٹن سے جلد ملاقات کروں گا۔امریکی اخبار کے مطابق صدر پیوٹن نے امریکا سے کہا کہ مشرقی یوکرین کے بدلے وہ جنگ ختم کریں گے۔ٹرمپ نے کہا کہ ہم کچھ علاقے واپس لینے، کچھ تبدیل کرنے کی راہ دیکھ رہے ہیں۔