{پاکستان عوامی تحریک نے جشن آزادی تقاریب کا شیڈول جاری کر دیا

ذقرآن خوانی،پرچم کشائی،یوتھ کنونشن،شجر کاری مہم کی تقاریب منعقد ہوں گی ںتقریبات کا مقصد نوجوان نسل میں جذبہ حب الوطنی کو فروغ دینا ہی:ترجمان عوامی تحریک

اتوار 10 اگست 2025 21:40

Mلاہور (اُردو پوائنٹ اخبارتازہ ترین - آن لائن۔ 10 اگست2025ء) پاکستان عوامی تحریک نے جشن آزادی کے حوالے سے خصوصی تقریبا ت کا تفصیلی شیڈول جاری کر دیا۔ تقاریب کا آغاز11 اگست سے ہو گا اور 14 اگست تک جاری رہیں گی۔جشن آزادی کی تقاریب میں کارکنان،طلبا،خواتین اور مختلف شعبہ ہائے زندگی سے تعلق رکھنے والے افراد بھرپور شرکت کریں گے۔شیڈول کے مطابق11 اگست کو قرآن خوانی اور دعائیہ تقریب منعقد کی جائے گی جس میں وطن عزیز کی سلامتی،خوشحالی کیلئے خصوصی دعائیں کی جائیں گی۔

منہاج یوتھ لیگ 12 اگست کو مرکزی سیکرٹریٹ میںپرچم کشائی اور ملک گیر شجر کاری مہم کا آغاز کرے گی۔12 اگست کو نوجوانوں کے عالمی دن کے حوالے سے’’نوجوان پاکستان کا مستقبل‘‘ کے عنوان سے سیمینار منعقد کیا جائے گا جس میں ملک بھر کی یوتھ تنظیموں کے نمائندے شرکت کریں گے۔

(جاری ہے)

13 اگست کو مصطفوی سٹوڈنٹس موومنٹ کے زیر اہتمام ملک گیر پرچم کشائی مہم اور ریلیاں نکالی جائیں گی۔

14اگست کی صبح مرکزی سیکرٹریٹ ماڈل ٹائون میں قومی پرچم کشائی کی تقریب منعقد ہو گی جس میں پاکستان عوامی تحریک کے مرکزی،صوبائی،ضلعی رہنما شرکت کریں گے ،لاہور سمیت ملک بھر میں جشن آزادی کے حوالے سے تقاریب منعقد کیا جائیں گی۔ منہاج یونیورسٹی، منہاج کالجز اور منہاج ایجوکیشن سوسائٹی کے زیر اہتمام چلنے والے سکولوں میں تحریک آزادی کے حوالے سے پروگرامز منعقد ہونگے اور تمام عمارتوں پر پاکستانی پرچم آویزاں کیے جائینگے۔

ترجمان پاکستان عوامی تحریک کے مطابق ان تقریبات کا مقصد نوجوان نسل میں آزادی کی اہمیت کو اجاگر کرنا،اتحاد و یکجہتی کو فروغ دینا ہے۔ 14 اگست کے حوالے سے مرکزی تقریب پاکستان عوامی تحریک کے مرکزی سیکرٹریٹ ماڈل ٹائون میں منعقد ہو گی جس میں عوامی تحریک کے مرکزی قائدین اور دیگر مذہبی، سیاسی، سماجی رہنما شرکت کرینگے۔ تمام اضلاع کی تنظیمات دعائیہ تقاریب بھی منعقد کرینگی اور کیک بھی کاٹے جائینگے۔