تربیلا،منگلااورچشمہ ریزوائر میں قابل استعمال پانی کا مجموعی ذخیر ہ ایک کروڑ 4 لاکھ11 ہزار ایکڑ فٹ موجود

پیر 11 اگست 2025 21:38

اسلام آباد(اُردو پوائنٹ اخبارتازہ ترین - آن لائن۔ 11 اگست2025ء)تربیلا،منگلااورچشمہ ریزوائر میں قابل استعمال پانی کا مجموعی ذخیر ہ ایک کروڑ 4 لاکھ11 ہزار ایکڑ فٹ ہے اور واپڈا کے ترجمان نے ملک بھرمیں دریائوں اور ڈیموں میں پانی کی آمد و اخراج کی تفصیلات جاری کر دی ہیں۔ ترجمان واپڈا کے مطابق تربیلا کے مقام پردریائے سندھ میں پانی کی آمد 2 لاکھ43 ہزار 900 کیوسک اور اخراج 2 لاکھ 43 ہزار 500 کیوسک ہے۔

منگلا کے مقام پر دریائے جہلم میں پانی کی آمد21 ہزار 900کیوسک اور اخراج 7 ہزارکیوسک ہے۔چشمہ بیراج میں پانی کی آمد 2 لاکھ 62 ہزار 300 کیوسک اوراخراج 2 لاکھ 39 ہزار 700 کیوسک ہے۔ہیڈ مرالہ کے مقام پر دریائے چناب میں پانی کی آمد 69 ہزار 100 کیوسک اور اخراج 38 ہزار 300 کیوسک ہے۔ ترجمان واپڈاکے مطابق نوشہرہ کے مقام پر دریائے کابل میں پانی کی آمد 29 ہزار 900 کیوسک اور اخراج 29 ہزار 900 کیوسک ہے۔

(جاری ہے)

تربیلا ریزروائر میں آج پانی کی سطح 1546.00 فٹ اور پانی کا ذخیرہ 54 لاکھ 98 ہزار ایکڑ فٹ ہے۔منگلا ریزروائر میں آج پانی کی سطح 1206.20 فٹ اور پانی کا ذخیرہ 46 لاکھ 55 ہزار ایکڑ فٹ ہے۔چشمہ ریزروائر میں آج پانی کی سطح 648.00 فٹ اور پانی کا ذخیرہ 2 لاکھ 58 ہزار ایکڑ فٹ ہے۔ ترجمان واپڈاکے مطابق تربیلا،منگلااورچشمہ ریزوائر میں قابل استعمال پانی کا مجموعی ذخیر ہ ایک کروڑ 4 لاکھ11 ہزار ایکڑ فٹ ہے۔