اسلام آباد ، گمشدہ بچی کو تلاش کرکے بحفاظت والدین کے حوالے کر دیا گیا

بچی کے والدین نے پولیس ٹیم کا شکریہ ادا کیا ،اسلام آباد پولیس کی کاوشوں کو سراہا

پیر 11 اگست 2025 22:29

اسلام آباد(اُردو پوائنٹ اخبارتازہ ترین - این این آئی۔ 11 اگست2025ء)اسلام آبادپولیس نے گمشدہ بچی کو تلاش کرکے بحفاظت والدین کے حوالے کر دیا، بچی کے والدین نے پولیس ٹیم کا شکریہ ادا کیا اوراسلام آباد پولیس کی کاوشوں کو سراہا۔

(جاری ہے)

تفصیلا ت کے مطابق اسلام آباد پولیس وفاقی دارلحکومت اسلام آباد میں امن و امان کی صورتحال کو برقرار رکھنے اور شہریوں کی جان و مال کے تحفظ کو یقینی بنانے کیلئے ہمہ وقت مصر وف عمل ہے،اس سلسلہ میں تھانہ کورال پولیس کو شہری کی جانب سے اطلاع موصول ہوئی کہ اس کی بچی لا پتہ ہو گئی ہے جس کی فوری تلاش کرنے میں مدد کی جائے،شہری کی جانب سے اطلاع موصول ہوتے ہی پولیس ٹیم نے تمام تکنیکی اورانسانی ذرائع کو بروئے کارلاتے ہوئے گمشدہ بچی کو قلیل وقت میں تلاش کرکے بحفاظت والدین کے حوالے کر دیا، بچی کے والدین نے پولیس ٹیم کا شکریہ ادا کیا اور فوری مدد کرنے پراسلام آباد پولیس کی کاوشوں کو سراہا۔