ڈی آئی جی اسلام آبا کا سینئر افسران کیساتھ اجلاس

امن و امان کی صورتحال، جاری آپریشنز اور پولیس کارکردگی سے متعلق امور کا جائزہ

پیر 11 اگست 2025 22:33

اسلام آباد(اُردو پوائنٹ اخبارتازہ ترین - این این آئی۔ 11 اگست2025ء)ڈی آئی جی اسلام آبانے سینئر افسران کے ساتھ اہم اجلاس کاانعقادکیا،جس میں امن و امان کی صورتحال، جاری آپریشنز اور پولیس کارکردگی سے متعلق امور کا تفصیلی جائزہ لیا گیا۔

(جاری ہے)

تفصیلات کے مطابق انسپکٹر جنرل آف پولیس اسلام آباد سید علی ناصر رضوی اتوار کے روز رات گئے تک دفتری امور میں مصروف رہے، اس دوران انہوں نے ڈی آئی جی اسلام آبادمحمد جواد طارق، ایس ایس پی آپریشنز اور دیگر سینئر افسران کے ساتھ اہم اجلاس منعقد کیا، جس میں امن و امان کی صورتحال، جاری آپریشنز اور پولیس کارکردگی سے متعلق امور پرتفصیلی جائزہ لیا گیا،افسران نے آئی جی اسلام آباد کو امن وعامہ کے سلسلہ میں اٹھائے گئے سکیورٹی اقدامات کے بارے میں تفصیلی بریف کیا، اسلام آباد پولیس کسی بھی عناصر کو شہرکے امن و امان میں خلل ڈالنے کی ہرگز اجازت نہیں دے گی اور شہریوں کی جان و مال اور نجی وسرکاری املاک کے تحفظ کے لئے تمام تر ضروری اقدامات بروئے کار لائے گی،انہوں نے تمام افسران کو ہدایات جاری کی کہ وہ اپنے علاقہ حدود میں گشت کو مزید موثر بنائیں ،تمام افسران فیلڈ میں موجود رہیں ،ملازمان کو بریف کریں اور شہر کے مختلف علاقوں کا دورہ کریں ،آئی جی اسلام آباد سیدعلی ناصر نے مزید کہا کہ اسلام آباد کے شہریوں کی جان و مال کے تحفظ اور امن وعامہ کے قیام کو یقینی بنانے کے لئے تمام تر ممکنہ اقدامات اٹھائے جائیں گے ، شہریوں کی جان و مال کا تحفظ ہماری اولین ترجیح ہے،شہریوں سے بھی گزارش ہے کہ وہ اسلام آباد پولیس کے ساتھ تعاون کریں اور کسی بھی مشکوک سرگرمی کے متعلق پکار 15یا آئی سی ٹی 15ایپ پر اطلاع دیں، اسلام آباد پولیس وفاقی دارالحکومت کو امن کا گہوارہ بنانے کے لئے کوئی کسر نہیں چھوڑے گی۔