چین اور امریکا کے مابین ٹیرف معطلی میں توسیع پر اتفاق

منگل 12 اگست 2025 08:50

بیجنگ (اُردو پوائنٹ اخبارتازہ ترین - اے پی پی۔ 12 اگست2025ء) چین اور امریکا نے ٹیرف معطلی میں توسیع پر اتفاق کیا ہے ۔ شنہوا کے مطابق چین اور امریکا نے سٹاک ہوم میں ہونے والے دو طرفہ اقتصادی و تجارتی اجلاس کے بعد ایک مشترکہ اعلامیہ جاری کیا ہے، جس کے مطابق دونوں ممالک نے اضافی ٹیرف معطلی کی مدت میں 90 دن کی توسیع پر اتفاق کر لیا ہے۔

(جاری ہے)

اعلامیہ کے مطابق، امریکا چین ، جس میں ہانگ کانگ اور مکاؤ کے خصوصی انتظامی علاقے بھی شامل ہیں، سے درآمد کی جانے والی اشیاء پر عائد اضافی ایڈ ویلوم ڈیوٹی کی شرح میں 24 فیصد رعایت کو مزید 90 دن کے لیے معطل رکھے گا، جس کا اطلاق 12 اگست سے ہوگا۔

اسی طرح چین بھی امریکا سے درآمد کی جانے والی اشیاء پر 24 فیصد اضافی ایڈ ویلوم ڈیوٹی اور اس سے متعلق غیر ٹیرف جوابی اقدامات کو مزید 90 دن کے لیے معطل رکھے گا۔