امریکا، اسٹیل پلانٹ میں دھماکہ، 2 افراد ہلاک

منگل 12 اگست 2025 16:32

ْواشنگٹن (اُردو پوائنٹ اخبارتازہ ترین - این این آئی۔ 12 اگست2025ء)امریکی ریاست پنسلوینیا میں اسٹیل پلانٹ میں دھماکے سے 2 افراد ہلاک ہوگئے۔غیرملکی میڈیا کے مطابق مقامی پولیس اہلکاروں نے بتایا کہ امریکی ریاست پنسلوینیا میں اسٹیل پلانٹ میں دھماکے سے 2 افراد ہلاک جبکہ 10 زخمی ہوگئے ہیں۔علاقہ مکینوں کا کہنا تھا کہ علاقے میں دھویں کے گہرے بادل چھائے ہوئے ہیں جس کی وجہ سے آبادی نے گھروں کے کھڑکی دروازے بند کیے ہوئے ہیں۔

(جاری ہے)

اسٹیل پلانٹ میں دھماکے کی وجہ ابھی تک واضح نہیں، تاہم اس حوالے سے تحقیقات کا آغاز کر دیا گیا ہے۔حادثے میں زخمی ہونے والے 10 افراد میں سے 5 کی حالت نازک بتائی جاتی ہے، جبکہ 5 کو ابتدائی طبی امداد کے بعد اسپتال سے خارج کردیا گیا ہے۔ذرائع کا کہنا تھا کہ یہ ایک کوئلے کے ایندھن سے چلنے والا پلانٹ ہے جہاں1 ہزار 300 ملازمین کام کرتے ہیں۔امریکی اسٹیل کے سی ای او اور صدر ڈیوڈ بیوریٹ کہا ہے کہ انکی کمپنی متعلقہ اداروں سے دھماکوں میں تفتیش کے دوران رابطے میں ہے تاکہ واقعے کی وجہ کا پتہ لگایا جاسکے۔

Facebook Twitter Google + Share on Whatsapp

امریکا، اسٹیل پلانٹ میں دھماکہ، 2 افراد ہلاک

متعلقہ عنوان :

مزید بین الاقوامی خبریں