نیشنل پیڈل رینکنگ کپ کے ایکشنسے بھرپور مقابلے کے ایم سی اسپورٹس کمپلیکس میں جاری جاری

منگل 12 اگست 2025 17:18

کراچی (اُردو پوائنٹ اخبارتازہ ترین - این این آئی۔ 12 اگست2025ء) پیڈل ایشیا اور انٹرنیشنل پیڈل فیڈریشن کے تعاون سے KMC اسپورٹس کمپلیکس میدان میں منعقدہ ایونٹ کے ناک آوٹ میچز شروع ہوگئے۔ مینز ایونٹ کے پہلے کوارٹر فائنل میں کچی برادرز اور پیڈل ماسٹرز آمنے سامنے آئیں گے۔ دوسرا کوارٹر فائنل لائنز اور ٹیم اللہ والا کا ہوگا۔ تیسرا کوارٹر کمار برادرز اور پیڈل اسٹار کا شیڈول ہے۔

چوتھے کوارٹر فائنل میں ٹیم ایس کے کا مقابلہ سعد اور نفیس سے ہوگا۔ویمنز کیٹیگری میں پیڈل ٹیم کا سائرہ اور السا سے مقابلہ ہوگا۔ویمنز کے دوسرے کوارٹر ایم یو وی اور ایس او ایس مد مقابل آئیں گی۔ویمنز کے تیسرے کوارٹرمیں ماہ نوراور سحر کی ٹیم کا ایس فیکٹر سے مقابلہ ہوگا۔ویمنز کے آخری کوارٹر فائنل میں سلینا اور مومینا کی ٹیم اسٹرائیکرز سے ٹکرائے گی۔

(جاری ہے)

۔اس سے قبل کھیلے گئے میچز میں گروپ اے میں پیڈل ٹیم نے ایس فیکٹر کو شکست دی۔گروپ بی میں ایم یو وی نے اسٹرائیکرز کو ہرایا۔گروپ سی میں سائرہ اور السا کی ٹیم نے ٹیم ڈسٹرک کو شکست دی۔گروپ ڈی میں ایس او ایس نے سمیشرز کو آوٹ کلاس کیا۔واضح رہے رینکنگ کپ کا انعقاد پاکستان پیڈل فیڈریشن کی جانب سے کروایا جارہا ہے جس میں میدان پاکستان اور سندھ پیڈل کا تعاون حاصل ہے۔ فائنل میچز جمعرات کو کھیلے جائیں گے فاتح کھلاڑیوں کو 6 لاکھ روپے کی انعامی رقم دی جائے گی۔