کوئٹہ،حوالہ ہنڈی میں ملوث 3 ملزمان گرفتار

ملزمان سے مجموعی طور پر 27 لاکھ ایرانی ریال، 3050 افغانی برآمد ہوئے

منگل 12 اگست 2025 18:06

کراچی(اُردو پوائنٹ اخبارتازہ ترین - این این آئی۔ 12 اگست2025ء)ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث نیٹ ورکس کے گرد گھیرا تنگ کردیا گیا۔ایف آئی اے بلوچستان زون کی مختلف کارروائیوں میں حوالہ ہنڈی اور غیر قانونی کرنسی ایکسچینج میں ملوث 3 ملزمان عبدالباری، ثناء اللہ اور اسد اللہ کو گرفتار کرلیا گیا۔

(جاری ہے)

ترجمان ایف آئی اے کے مطابق ملزمان کو کوئٹہ کے مختلف علاقوں سے گرفتار کیا گیا جن کے قبضے سے مجموعی طور پر27 لاکھ ایرانی ریال، 3050افغانی برآمد ہوئے۔ملزمان سے موبائل فونز اور حوالہ ہنڈی سے متعلق دیگر شواہد بھی برآمد کر لیے گئے، ملزمان برآمد ہونے والی کرنسی کے حوالے سے حکام کو تسلی بخش جواب نہ دے سکے، ملزمان سے تفتیش کا آغاز کر دیا گیا ہے۔